បទចម្រៀងរបស់ G-Dragon ជ្រាបខ្លួនដល់ប្រទេសកូរ៉េខាងជើង

2017-12-27 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីវប្បធម៌សិល្បៈភាពយន្ត និងចម្រៀងរបស់ប្រទេសកូរ៉េខាងត្បូងចាប់ផ្ដើមផ្សព្វផ្សាយពាសពេញទ្វីបអឺរ៉ុប និងទទួលបានការគាំទ្រពាសពេញពិភពលោកនោះ សូម្បីតែប្រទេសកូរ៉េខាងជើងក៏ជ្រាបនឹងសិល្បៈកម្សាន្តនេះផងដែរ។

ថ្មីៗនេះ បទចម្រៀងកូរ៉េបានក្លាយជាប្រធានបទក្ដៅគគុកមួយ ដោយអ្នកជំនាញប្រចាំប្រទេសកូរ៉េខាងជើងបាននិយាយពីផលប៉ះពាល់នឹងការធ្វើឲ្យរំជើបរំជួលពីប្រជាប្រិយភាពរបស់បទចម្រៀងទាំងនោះពាសពេញប្រទេសកូរ៉េខាងជើង។ បើតាមរបាយការណ៍ពីអ្នកក្នុងតំបន់បានឲ្យដឹងថា ប្រជាពលរដ្ឋក្នុងប្រទេសកូរ៉េខាងជើងបានព្យាយាមលួចចាក់បទចម្រៀងរបស់តារាចម្រៀង G-Dragon ជាដើម។

តាមរយៈទូរទស្សន៍ Channel A News បានចាក់ឈុតមួយក្នុងរឿង 'Steel Rain' ក្នុងឈុតដែលក្មេងស្រីម្នាក់បានសួរឪពុករបស់នាងដែលជាចារបុរសប្រទេសកូរ៉េខាងជើងថា៖ "ប៉ា ប៉ាធ្លាប់ស្គាល់ G-Dragon ពីមុនមកទេ?” ក្នុងឈុតនោះក៏មានដាក់បទចម្រៀង "Crooked" ជាភ្លេងអមសាច់រឿងនោះផងដែរ។

សិល្បៈកម្សាន្តកូរ៉េខាងត្បូងបានជម្រាបខ្លួនចូលប្រទេសកូរ៉េខាងជើង។ ជាពិសេសគឺបទចម្រៀងរបស់មេក្រុម Big Bang លោកទទួលបានប្រជាប្រិយខ្លាំងក្នុងប្រទេសជិតខាងមួយនេះ។

អ្នកកាសែតបានសួរថា៖ "តើតារាចម្រៀង G-Dragon ពិតជាមានភាពល្បីល្បាញចំពោះយុវវ័យនិងក្មេងៗនៅក្នុងប្រទេសកូរ៉េខាងជើងមែនឬ?”

វាគ្មិនម្នាក់បានឆ្លើយថា៖ "ប្រាកដណាស់ ចាប់តាំងពីសិល្បៈនេះបានជ្រាបចូលប្រទេសកូរ៉េខាងជើងមក ក្មេងៗយុវវ័យជាច្រើនបានច្រៀងតាមបទចម្រៀងថ្មីៗ។ វាពិតជាការពិតដែលមិនគួរឲ្យជឿ"។ អ្នកកាសែតដែលមកពីកូរ៉េខាងជើងបាននិយាយថា៖ "នៅក្នុងឆ្នាំ ១៩៩០ ពួកគេជាញឹកញាប់តែងតែច្រៀងបទ 'Wind Wind Wind' របស់តារាចម្រៀង Kim Bum Ryong ប៉ុន្តែយុវវ័យសម័យនេះ គេច្រៀងតាមសិល្បករថ្មីៗ ដូចជា Big Bang និងG-Dragon ជាដើមហ្នឹង"។

វាគ្មិនម្នាក់ទៀតបានលើកឡើងថា៖ "ពួកគេបានលើកសរសើរតារាចម្រៀងទាំងនេះ។ បទ Gangnam Style របស់តារាចម្រៀង Psy ត្រូវបានផ្ដល់ឲ្យ ប៉ុន្តែពួកគេទាំងអស់គ្នាមើលខ្សែភាពយន្តកូរ៉េ"។ ហើយលោកក៏បានពន្យល់ពីបទពិសោធន៍ផ្លាស់ប្ដូរផ្នែកសេដ្ឋកិច្ច និងនយោបាយក្នុងប្រទេសខណៈវប្បធម៌បទចម្រៀងកូរ៉េខាងត្បូងបានចូលមកក្នុងប្រទេសមួយនេះ។

មិនត្រឹមតែប៉ុណ្ណឹងនោះទេ ពួកគេត្រូវបានឲ្យដឹងថាបានហ៊ានប្រថុយជីវិតដើម្បីទៅលួចយក 'Stealth USB' ដែលផ្ទុកបទចម្រៀងនិងខ្សែភាពយន្តរបស់កូរ៉េខាងត្បូងជាច្រើន ក្នុងនោះដោយមិនគិតពីច្បាប់បម្រាមរបស់ប្រទេសខ្លួនថែមទៀតផង ('Stealth USB' ដើរតួដូចជា USBធម្មតាដែរ ខុសត្រង់USB ប្រភេទនេះទាមទារការដោះកូតជាមុនសិនទើបអាចទទួលបានឯកសារក្នុងនោះបាន)៕

ប្រភព៖ Allkpop ប្រែសម្រួល៖ អន សុភក្ត្រា