ដូចប្លន់ទាំងរស់! មានអ្នកទារសំណង ១ ទ្រីលានដុល្លារ រឿង Apple ធ្វើឲ្យ iPhone ដើរយឺត

2017-12-28 02:05:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពី Apple បានចេញមុខសារភាពថាបានធ្វើឲ្យ iPhone ដែលមានថ្មចាស់ៗដើរយឺត គេសង្កេតឃើញថាមានការដាក់ពាក្យបណ្ដឹងប្ដឹងក្រុមហ៊ុនយក្សមួយនេះជាបន្តបន្ទាប់។

មកទល់ពេលនេះមានពាក្យបណ្ដឹងសរុបចំនួន ៩ ហើយក្នុងនោះមានពាក្យបណ្ដឹងមួយបានទាមទារសំណងយ៉ាងច្រើនមហាសាល។ ដើមបណ្ដឹងឈ្មោះ Violetta Mailyan ជាអ្នកតំណាងឲ្យអ្នកប្រើប្រាស់ iPhone ជាច្រើននាក់ បានទាមទារសំណងដល់ ៩៩៩ ពាន់លានដុល្លារ (សឹងនឹងស្មើ ១ ពាន់ពាន់លានដុល្លារ) ពីក្រុមហ៊ុន Apple។

ក្រៅពីមានការទាមទារដ៏ច្រើនលើសលប់បែបនេះ ក្នុងពាក្យបណ្ដឹងក៏មានសរសេរថា អ្នកប្រើប្រាស់ iPhone បានជំទាស់មិនព្រមប្រើ iPhone ចាស់ៗរបស់ពួកគេ ដោយសារមានដំណើរការយឺត, Apple បានបោកប្រាស់អ្នកប្រើ ដោយបានបន្ថយល្បឿន iPhone ដែលមានថ្មចាស់, មិនព្រមជួសជុលថ្មចាស់ៗឲ្យអ្នកប្រើ បែរជាចង់ឲ្យពួកគេទិញទូរសព្ទថ្មីដោយប្រយោល ហើយប្រសិនបើមិនមានការសារភាពនេះទេ អ្នកប្រើប្រាស់ទូទៅច្បាស់ជាមិនដឹងនោះទេ។ នេះជាការលើកឡើងក្នុងពាក្យបណ្ដឹង ដែលមើលទៅទំនងជាសមហេតុផលដែរ ប៉ុន្តែសំនួរសួរថាតើ Violetta នឹងទទួលបានសំណងដូចអ្វីដែលទាមទារឬយ៉ាងណា?

ការទាមទារសំណងនេះដែរគឺច្រើនជាងតម្លៃបច្ចុប្បន្នរបស់ Apple ដែលមានត្រឹមតែខ្ទង់ ៩០០ ពាន់លានដុល្លារប៉ុណ្ណោះ៕

ប្រភព៖ PhoneArena ប្រែសម្រួល៖ សុខហេង