មកដឹងពីភាពខុសគ្នារវាង IMAX និងរោងកុនធម្មតា
- 2017-12-28 07:48:19
- ចំនួនមតិ 0 | ចំនួនចែករំលែក 0
មកដឹងពីភាពខុសគ្នារវាង IMAX និងរោងកុនធម្មតា
ចន្លោះមិនឃើញ
ប្រភេទរោងកុនបែប IMAX និងរោងកុនធម្មតាគឺខុសគ្នាខ្លាំង បើប្រៀបធៀបពីទំហំអេក្រង់ IMAX មានទំហំអេក្រង់ធំជាង រោងកុនធម្មតាដល់ទៅ ៦ដង។ ដោយសារតែមានការរីកចម្រើនខាងវិស័យកម្សាន្តព្រមទាំងមានប្រភេទរោងកុនជាច្រើនប្រភេទបានបើកថ្មីជាបន្តបន្ទាប់ផងនោះ IMAX ត្រូវបានគេចាត់ទុកថាពិតជាមានប្រសិទ្ធភាពនិងគុណភាពខ្ពស់ក្នុងការបម្រើអារម្មណ៍អ្នកចូលចិត្តទស្សនាភាពយន្ត។
រោងកុន IMAX គឺជារោងកុនដែលផ្ដល់នូវរូបភាពនិងសំឡេងល្អឥតខ្ចោះ។ រោងកុនប្រភេទនេះបានបង្ហាញខ្លួនតាំងពីឆ្នាំ ១៩៧១មកម្ល៉េះ ប៉ុន្តែចាប់ផ្ដើមល្បីឈ្មោះនៅអំឡុងទសវត្សឆ្នាំ២០០០។ ពីមុនមក រោងកុនប្រភេទនេះប្រើសម្រាប់តែបញ្ចាំងភាពយន្តឯកសារធម្មជាតិតែប៉ុណ្ណោះ ប៉ុន្តែពេលនេះមានភាពយន្តជាច្រើនអាចដាក់បញ្ចាំងនៅរោងកុនប្រភេទនេះ។ IMAX ជាប្រភេទរោងកុនដែលមានអេក្រង់កោង និងសំប៉ែត ដោយអាចឲ្យអ្នកទស្សនាមានអារម្មណ៍ថាខ្លួនដូចជានៅខាងក្នុងភាពយន្តដែលកំពុងបញ្ចាំងនោះអីចឹងដែរ។ រោងកុនទាំងនេះប្រើប្រាស់បច្ចេកវិទ្យា បញ្ចាំងកុនបែបថ្មី (Linear Polarization) និងប្រើប្រាសប្រភេទកាមេរ៉ាជំនាន់ថ្មី។ ចំណុចពិសេសមួយរបស់រោងកុនប្រភេទនេះគឺ អ្នកទស្សនាអាចសម្លឹងមើលពីគ្រប់ទីកន្លែងពីកន្លែងអង្គុយ ដោយសាររូបភាពនៅលើកញ្ចក់រោងកុនគឺត្រូវគេពង្រីកយ៉ាងធំ។ មិនត្រឹមតែប៉ុណ្ណោះ IMAZ មានបច្ចេកវិទ្យាសំឡេងពិសេស ដែលអាចបញ្ចេញសំឡេងនិយាយនិងភ្លេងបានយ៉ាងច្បាស់មិនធម្មតា។ បើគិតត្រឹមចុងឆ្នាំ ២០១៧ នេះរោងកុន IMAX ដែលកំពុងដាក់ឲ្យបម្រើការគឺមានដល់ទៅជាង១ពាន់រោងកុនឯណោះ និងបើកបម្រើការនៅ ៧៥ប្រទេស។
ចំណែកឯរោងកុនធម្មតាវិញ គឺជាប្រភេទរោងកុនបែបបុរាណដែលគេបានប្រើប្រាស់តាំងពីដើមកំណើតកុន។ មកដល់សព្វថ្ងៃនេះគេបានផ្លាស់ប្ដូរខ្លះៗហើយ ដោយប្រនូវបច្ចេកវិទ្យាថ្មីជាច្រើនដូចជា ផ្លាស់ប្ដូរប្រភេទកាមេរ៉ា បច្ចេកទេសថត និងតិចនិកផ្សេងៗទៀតជាច្រើន។ រោងកុនបែបនេះគឺពេញនិយមចំពោះការដាក់បញ្ចាំងភាពយន្តបែប 2D ដែលល្បីខ្លាំងកាលពីខ្ទង់ទសវត្សទី ៨០ និង ៩០។ ចំពោះឯគុណភាពសម្រាប់រោងកុនប្រភេទនេះវិញគឺមានកម្រិតបំផុត ដោយសារតែរោងកុននេះមាននៅសឹងតែគ្រប់ទីក្រុងទូទាំងពិភពលោកសូម្បីតែនៅប្រទេសក្រីក្រនិងកំពុងអភិវឌ្ឍន៍។
ដូច្នេះប្រសិនជាយើងប្រៀបធៀប យើងអាចដឹងយ៉ាងច្បាស់ថារោងកុន IMAX គឺពិតជាមានគុណភាពល្អជាងរោងកុនប្រភេទធម្មតាខ្លាំង។ រោងកុន IMAX ល្បីឈ្មោះដោយសារតែគុណភាពរូបភាពនិងសំឡេង កញ្ចក់អេក្រង់វិញគឺលាតសន្ធឹងពីជញ្ជាំងម្ខាងទៅម្ខាងទៀត មិនដូចជាប្រភេទរោងកុនធម្មតាដែលមានអេក្រង់នៅចំណុចកណ្ដាលនៃរោងកុន។
ពន្លឺភ្លើងបញ្ចាំងចេញពី IMAX គឺច្បាស់ខ្លាំងដោយប្រើប្រាស់ថាមពលដល់ទៅ ១៥ ០០០ សេណុងវ៉ាត់ ដែលអាចឲ្យរូបភាពដែលត្រូវបញ្ចាំងនោះគឺកាន់តែល្អ និងច្បាស់ខ្លាំងបើប្រៀបធៀបទៅនឹងរោងកុនធម្មតា ដែលសមត្ថភាពបញ្ចាំងរូបភាពទាំងនោះគឺមានកម្រិត។ រោងកុន IMAX ក៏ធានានូវសុវត្ថិភាពចំពោះការប្រើប្រាស់បច្ចេកទេសសំឡេងនិងពន្លឺដែលមិនបណ្ដាលឲ្យមានគ្រោះថ្នាក់ ដល់ត្រចៀកនិងភ្នែកនោះឡើយ។
សរុបសេចក្ដីមក នេះគឺជាហេតុផលទាំងអស់ដែលធ្វើឲ្យរោងកុន IMAX ល្អនិងមានគុណភាពជាងរោងកុនធម្មតា ជាហេតុធ្វើឲ្យរោងកុនបែបនេះមានតម្លៃថ្លៃជាង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
