ប្រាក់ មុន្នីឧត្តម ៖ ខ្ញុំចង់ទៅលេងនៅថៃ... សង្ឃឹមថាថ្ងៃណាមួយខ្ញុំអាចទៅបាន
- 2017-12-29 02:44:41
- ចំនួនមតិ 0 | ចំនួនចែករំលែក 0
ប្រាក់ មុន្នីឧត្តម ៖ ខ្ញុំចង់ទៅលេងនៅថៃ... សង្ឃឹមថាថ្ងៃណាមួយខ្ញុំអាចទៅបាន
ចន្លោះមិនឃើញ
ខ្សែប្រយុទ្ធ ប្រាក់ មុន្នីឧត្តម សារភាពថាមានចិត្តចង់ទៅលេងនៅលីគប្រទេសថៃ ដោយសារតែមើលឃើញសមត្ថភាពនិងកីឡាករនៅក្នុងលីគប្រទេសនេះរីកចម្រើនច្រើន អាចឱ្យគេរៀនសូត្របន្ថែម។
កីឡាករទើបតែជួយព្រះខ័នរាជស្វាយរៀងលើកពាន Hun Sen Cup រដូវកាលនេះ បាននិយាយប្រាប់ទៅ fourfourtwo ថាខ្លួនពិតជាចូលចិត្តលីគរបស់ថៃ ព្រោះកីឡាករក្នុងក្លឹបអាជីពនៅទីនោះសុទ្ធតែមានសមត្ថភាព។ ខ្សែប្រយុទ្ធវ័យ២៣ឆ្នាំរូបនេះ ចង់លេងនៅថៃ ដើម្បីបានទទួលបទពិសោធថ្មី និងបានប្រឡូកលេងបាល់នៅក្រៅស្រុក ដូចកីឡាករកម្ពុជាដទៃទៀតដែរ។
យ៉ាងណាក្ដីនេះជាក្ដីស្រមៃរបស់ ឧត្តម តាំងពីតូចមកដែរ ក្នុងការចាកចេញពីកម្ពុជាទៅលេងនៅក្រៅស្រុកនេះ។ ស្របពេលជាមួយគ្នានេះដែរ លោក សំ វ៉ាន់ដេត គ្រូបង្វឹករបស់ព្រះខ័នរាជស្វាយរៀងក៏យល់ឃើញថាការចាកចេញទៅលេងក្រៅរបស់គេ នឹងល្អទាំងសាមីខ្លួននិងបាល់ទាត់កម្ពុជា។ កីឡាករទៅលេងក្រៅស្រុកនឹងបានប្រាក់ខែខ្ពស់ជាងក្នុងស្រុក ហើយគេក៏អាចអភិវឌ្ឍសមត្ថភាពបន្ថែមដើម្បីជួយជម្រើសជាតិដែរ។
មកដល់ពេលនេះ នៅមិនទាន់មានដំណឹងច្បាស់ការណាមួយថា កីឡាករជម្រើសជាតិកម្ពុជាពាក់អាវលេខ៧ខាងលើទៅក្លឹបក្រៅស្រុកមួយណានោះទេ ត្បិតអីមានក្រុមជាច្រើនកំពុងតែទាក់ទងរូបគេ និងចរចាលក្ខខណ្ឌជាមួយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
