Hak Record កូនថៅកែអេតចាយ ដែលកំពុងលេចធ្លោក្នុងវិស័យចម្រៀង

2017-12-31 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់បទ "មេឃកំពុងភ្លៀងហើយ" ប្រិយមិត្តភាគច្រើនប្រហែលជាមិនស្គាល់ពីប្រវត្តិប្រុសស្អាត ហាក់ រីខត ទេ! តើកំលោះសំឡេងពីរោះនេះជាអ្នកណា?

ពន្លកថ្មីក្នុងវិថីសិល្បៈ ហាក់ រីខត ជាអ្នកខេត្តព្រះសីហនុ លោកមានបង ប្អូន ៤ នាក់ ក្នុងគ្រួសារ ប្រកបរបរ ជាថៅកែអេតចាយ។ កូនពៅរូបនេះ មានទេពកោសល្យ តែងនិពន្ធ និងបានចូលក្នុងរង្វង់សិល្បៈនៅឆ្នាំ ២០១៥ ជាអ្នកសរសេរទំនុកចម្រៀង ។

បុរសសាច់សរខ្ចី នេះកំពុងទទួលបានការគាំទ្រខ្លាំងតាមរយៈចម្រៀងOriginal ដែលជាការនិពន្ធទំនុក Melody និង ច្រៀង ដោយលោក ផ្ទាល់ គឺបទ "មេឃកំពុងភ្លៀងហើយ" រូបនេះបានប្រាប់ Sabayថា តាំងពីកុមារភាពមកគេជាមនុស្សម្នាក់ចូលចិត្តច្រៀងរាំខ្លាំង ជាញឹកញាប់លោកតែងតែច្រៀង ឲ្យតាយាយ ឪពុកម្ដាយស្ដាប់ រហូតក្លាយ អ្នកចម្រៀងប្រចាំគ្រួសារ។

កំលោះមុខស្ងួតម្នាក់នេះ រំលឹកថាកាលរៀននៅវិទ្យាល័យ លោកតែងសរសេរទំនុក ចម្រៀង រួចផុស ក្នុងហ្វេសប៊ុក រហូតដល់មានអ្នកស្គាល់ជាច្រើន និង ទទួលបានការងារតាមរយៈស្នាដៃទាំងនោះ។

តារាចម្រៀង ប្រចាំផលិតកម្មថោននេះ មិនត្រឹមតែជាករីទេ តែលោកក៏អាចលេងឧបករណ៍តន្ត្រីបានទៀតផង គឺ ហ្គីតា និងព្យាណូ។ ហាក់ រីខត « ខ្ញុំចូលចិត្តតែងចម្រៀងណាស់ដំបូង ខ្ញុំមិនគិតថាបទចម្រៀងដែលខ្ញុំសរសេរ មានទទួលបានគាំទ្រ ខ្លាំងនោះទេ ពេលនោះខ្ញុំសរសេរ ហើយចេះតែផុសក្នុងបណ្ដាញសង្គមហ្វេសប៊ុក ។ ចំពោះការរៀបចំ Melody ខ្ញុំ ចេះធ្វើវាដោយសារខ្ញុំចេះលេងព្យាណូ ខ្លះនិង ហ្គីតា។»

ចំពោះ គម្រោងទៅថ្ងៃអនាគត បុរស វ័យ ២៤ឆ្នាំរូបនេះ លោកបង្កើតជំនួញផ្ទាល់ខ្លួន និងបន្តការងារសិល្បៈឲ្យល្អបន្ថែមទៀត ៕

អត្ថបទ៖ ស្រីអូន