Hazard បានបដិសេធការចុះកុងត្រាថ្មីជាមួយ Chelsea
- 2017-12-29 16:18:00
- ចំនួនមតិ 0 | ចំនួនចែករំលែក 0
Hazard បានបដិសេធការចុះកុងត្រាថ្មីជាមួយ Chelsea
ចន្លោះមិនឃើញ
ឪពុកខ្សែប្រយុទ្ធ Eden Hazard ក្នុងថ្ងៃនេះបានបង្ហើបថាកូនខ្លួនបានបដិសេធការចុះកុងត្រាថ្មីជាមួយក្លឹបតោខៀវ Chelsea ដើម្បីបើកផ្លូវក្នុងការផ្ទេរទៅ Real Madrid បើសិនជាអាច។ នេះបើតាមសារព័ត៌មាន Le Soir ហើយត្រូវបានយកមកចុះផ្សាយដោយ Goal និង The Sun។
លោក Thierry Hazard ដែលត្រូវជាឪពុកខ្សែប្រយុទ្ធឆ្នើមបែលហ្សិករូបនេះ បានថ្លែងប្រាប់សារព័ត៌មាន Le Soir ថា៖ "អ្វីដែលខ្ញុំអាចបង្ហើបបានក្នុងពេលនេះគឺថា គេ(Eden Hazard) បានបដិសេធការចុះកុងត្រាថ្មីជាមួយ Chelsea ដើម្បីបើកផ្លូវក្នុងការផ្ទេរទៅ Real Madrid បើសិនជាអាច"។ ទោះជាយ៉ាងណា លោកឪពុករូបនេះ បានគូសបញ្ជាក់ផងដែរថា មកទល់ពេលនេះក្លឹប Real Madrid មិនទាន់បានមកទាក់ទងរឿងផ្ទេរនេះនៅឡើយទេ។
សូមបញ្ជាក់ផងដែរថា សំដីរបស់ឪពុក Hazard នេះ ធ្វើឡើងត្រឹមតែមួយខែប៉ុណ្ណោះ ក្រោយ Hazard ខ្លួនឯងបាននិយាយថា ខ្លួនគោរព និងចាត់ទុកអ្នកចាត់ការក្លឹប Real Madrid លោក Zinedine Zidane គឺជានិមិត្តរូប។ កាលពីពេលនោះ ខ្សែប្រយុទ្ធបែលហ្សិករូបនេះ បានទាំងព្រលយថែមទៀតថា ការលេងក្រោមការដឹកនាំរបស់ Zidane ជាសុបិនមួយរបស់ខ្លួន៕