Electricity map ចង់ក្លាយជា Google Map តែមើលពីប្រភពថាមពលអគ្គិសនីប្រើប្រាស់

2017-12-31 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Electricity map ជា Online tool ថ្មីមួយអាចបញ្ចេញបញ្ចូលទិន្នន័យបានភ្លាមៗ ដែលអាចបង្ហាញប្រភពអគ្គិសនីអ្នកប្រើ ក៏ដូចជាការបញ្ជូនត្រលប់មកវិញនៃ កាបូនឌីអុកស៊ីត (CO2) អាស្រ័យលើលក្ខណៈដែលអគ្គិសនីត្រូវបានផលិតពីប្រភពវា។

លោក Olivier Corradi ជាអ្នកវិទ្យាសាស្ត្រទិន្នន័យដែលដឹកនាំគម្រោងបាននិយាយថា រោងចក្រថាមពលធ្យូងថ្មតំណាងឲ្យស្ទើរតែមួយភាគបួននៃឧស្ម័នផ្ទះកញ្ចក់ដែលបានបំភាយ។ ជាអកុសល គោលនយោបាយមានការផ្ដោតតិចតួចលើការបិទនូវរោងចក្រថាមពលធ្យូងថ្ម និងផ្ដោតច្រើនលើចំនួនខ្យល់ ឬ ពន្លឺព្រះអាទិត្យត្រូវបានដំឡើង។ យើងចង់កំណត់ចំនួនពីការបំភាយចេញទាក់ទងនឹងការប្រើអគ្គិសនីដើម្បីណែនាំលើការស្ថាបនាអ្វីមួយបន្ថែម។ យើងជឿជាក់លើព័ត៌មានពីសកម្មភាពមុនៗ ហើយជួយសម្រួលព័ត៌មានដែលខ្វះខាតក្នុងការជជែកជាសាធារណៈ។

ពេលគម្រោងបានចាប់ផ្តើម ១ឆ្នាំមុន អ្នកស្រាវជ្រាវរួមបញ្ចូលតែពីរ ឬបីប្រទេសលើផែនទីប៉ុណ្ណោះ។ ក្រោយមក បានបង្កើតជាគម្រោង Open source ហើយអ្នកបង្កើតអាចពង្រីកទៅកាន់ប្រទេសជាច្រើនលើពិភពលោក។ បច្ចុប្បន្ន Electricity Map អាចបង្ហាញនៅ អឺរ៉ុប, អាមេរិកឡាទីន, អូស្ត្រាលី, ឥណ្ឌា, សហរដ្ឋអាមេរិក និង កាលីហ្វ័រញ៉ា។

សម្រាប់តំបន់នីមួយៗ អ្នកមើលអាចវិភាគលើការផលិតអគ្គិសនីដោយប្រភព និងការបំភាយកាបូន ដោយការផលិតបែងចែកទៅជា ខ្យល់, ពន្លឺព្រះអាទិត្យ, ទឹក (Hydro), Hydro storage, Battery storage, កំដៅក្នុងផែនដី, ជីវម៉ាស, នុយក្លេអ៊ែរ, ឧស្ម័ន, ធ្យូងថ្ម និង ប្រភេទប្រេងជាច្រើន។ អ្នកក៏អាចសម្គាល់តំបន់នៃអគ្គិសនីកាលពី ២៤ម៉ោងមុន, អាំងតង់ស៊ីតេកំឡុងពេលនោះ និងចំណាត់ថ្នាក់ប្រទេសខុសៗគ្នា។

លោក Corradi បន្តថា យើងមានបំណងក្លាយជា Google Map នៃអគ្គិសនី ហើយបង្ហាញទិន្នន័យលំហូរអគ្គិសនីជុំវិញពិភពលោក៕