យ៉ាងច្រើនត្រឹមឆ្នាំ ២០២០ ក្រុមហ៊ុន Amazon ត្រូវដួលដោយសារ Alibaba

2018-01-03 01:48:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមទស្សន៍ទាយពីក្រុមអ្នកវិភាគ MKM Partners បានឲ្យដឹង Alibaba នឹងទទួលបានតម្លៃទីផ្សារកើនដល់ ១ ទ្រីលាន (Trillion) ដុល្លារ មុនគូប្រជែងខ្លួននៃសំណាក់ក្រុមហ៊ុនអាមេរិក Amazon។ បច្ចុប្បន្នមានក្រុមហ៊ុនបច្ចេកវិទ្យា ៥ ដែលគេសម្លឹងឃើញមានការប្រកួតប្រជែងខ្ពស់បំផុតដូចជា Apple បច្ចុប្បន្នមានតម្លៃទីផ្សារ ៨៧០ ប៊ីលានដុល្លារ, Microsoft មាន ៦៦០ ប៊ីលានដុល្លារ និង Alibaba នៅក្រោយគេមានត្រឹម ៤៤០ ប៊ីលានដុល្លារ។

ផ្អែកតាមការវាយតម្លៃក្រុមហ៊ុនអាមេរិក Apple ពិតណាស់ដែលមានសំណាងស្គាល់ពាក្យ ទ្រីលានដុល្លារមុនគេបង្អស់ក្នុងពិភពលោកនៅអំឡុងឆ្នាំ ២០១៩ ប៉ុន្តែក្រុមហ៊ុនឯទៀតដូចជា Alibaba ក៏នឹងមានឱកាសកើនឡើងខ្ពស់ដំណាលគ្នា រហូតអាចប្រជែងគូសត្រូវ Amazon ឲ្យដួលនៅឆ្នាំ ២០២០។

ប្រភពដដែលបានកត់សម្គាល់ឃើញទីផ្សារពាណិជ្ជកម្មលើ Online ក្នុងប្រទេសចិន មានការកើនឡើងទ្វេដងធៀបនឹងសហរដ្ឋអាមេរិក ម្ល៉ោះតម្លៃក្នុងមួយភាគហ៊ុននៃ BABA អាចមានសង្ឃឹមខ្ពស់កើនឡើង ២០ ភាគរយក្នុងឆ្នាំ ២០១៨ មុនចំណូលកើនបាន ៤៥ ភាគរយក្នុងឆ្នាំ ២០១៩។

យ៉ាងណាមិញក្រុមហ៊ុនរបស់សេដ្ឋី Jack Ma ក្នុងថ្ងៃអនាគតក៏អាចប្រឈមនឹងហានិភ័យជាច្រើនដូចជាសមត្ថភាពនៃកំណើនផ្សព្វផ្សាយពាណិជ្ជកម្ម និងការត្រៀមខ្លួនទទួលការចំណាយលើចង្វាក់វិនិយោគនូវអាជីវកម្មផ្សេងទៀតមាន Ant Financial និង Alicloud ជាដើម។