Paris Hilton ទើបតែភ្ជាប់ពាក្យជាផ្លូវការថ្មីៗនេះ

2018-01-03 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងនិងម៉ូដែល Paris Hilton បានភ្ជាប់ពាក្យជាផ្លូវការជាមួយតារាសម្ដែង Chris Zylka ដោយបានបញ្ជាក់នៅក្នុងបណ្ដាញសង្គម Instagram កាលពីយប់មិញនេះ។

“ខ្ញុំបានឆ្លើយថាយល់ព្រម" នាងបានសរសេរដូច្នេះលើ Instagram។ នាងបន្តថា៖ "ពិតជាសប្បាយរីករាយនិងរំភើបណាស់ ដែលបានភ្ជាប់ពាក្យជាមួយគូស្នេហ៍ពិតប្រាកដរបស់ខ្ញុំ។ ល្អឥតខ្ចោះសម្រាប់ខ្ញុំគ្រប់កន្លែងទាំងអស់។ លោកពិតជាមនុស្សល្អ ស្មោះត្រង់ និងផ្អែមល្ហែម។ ខ្ញុំមានអារម្មណ៍ថាដូចជាស្រីដែលមានសំណាងជាងគេបង្អស់លើពិភពលោក! លោកគឺជាសុបិនក្លាយជាការពិតរបស់ខ្ញុំ! អរគុណដែលបានបង្ហាញប្រាប់ខ្ញុំថា រឿងព្រេងនិទានពិតជាមានពិតប្រាកដមែន"។

អ្នកទាំងពីរតាមពិតបានជួបគ្នាតាំងពី៨ឆ្នាំមុនមកម្ល៉េះ ប៉ុន្តែទើបតែចាប់ផ្ដើមទាក់ទងគ្នាពីរឆ្នាំមុនទេ។ ចំពោះចិញ្ចៀនភ្ជាប់ពាក្យវិញ Hilton បានបញ្ជាក់ប្រាប់ថាជាចិញ្ចៀនដែលមានសម្រស់ស្អាតបំផុត និងចែងចាំងដែលនាងមិនធ្លាប់ឃើញពីមុនមក៕

អានអត្ថបទ៖

ប្រភព៖ Elle ប្រែសម្រួល៖ ធារ៉ូ