ជីដូនដាស់ចៅស្រីឲ្យទៅរៀនចេះតែមិនភ្ញាក់ ពេលដឹងការពិតស្ទើរគាំងបេះដូង

2018-01-04 03:48:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្មេងស្រីជនជាតិថៃ អាយុ៩ឆ្នាំម្នាក់ រស់នៅក្នុងស្រុក Chai Buri ខេត្ត Surat Thani ត្រូវបានសត្វពស់វែកចឹកស្លាប់យ៉ាងអាណោចអាធ័ម ខណៈពេលកំពុងដេកលង់លក់នៅលើគ្រែ។ នេះបើយោងតាមសម្ដីប៉ូលិសថៃ ប្រាប់ឲ្យដឹងថា កាលពីព្រឹកថ្ងៃពុធម្សិលមិញនេះ។

សាកសពក្មេងស្រីរងគ្រោះឈ្មោះ Prapawee Prawat ត្រូវបានប្រទះឃើញ នៅវេលាម៉ោង ៧ និង ៤០នាទីព្រឹក ដោយជីដូនអាយុ ៧០ឆ្នាំរបស់នាង ដែលមានការតក់ស្លុតយ៉ាងខ្លាំង ក្រោយពីបានទៅដាស់នាងដើម្បីឲ្យក្រោកទៅសាលារៀន តែនាងមិនព្រមក្រោកទាល់តែសោះ។ នាង Prawat បានរស់នៅជាមួយជីដូន និងជីទួតអាយុ ៩០ឆ្នាំ បន្ទាប់ពីឪពុកម្ដាយរបស់នាងបានលែងលះគ្នា។

នៅពេលដែលប៉ូលិស និងក្រុមអ្នកជួយសង្គ្រោះ ទៅពិនិត្យមើលកន្លែងកើតហេតុ ពួកគេបានរកឃើញថា ក្មេងស្រីរងគ្រោះត្រូវសព្វពស់ចឹកម្រាមដៃ។ នៅពេលស្វែងរកក្នុងបន្ទប់ ក៏ប្រទះឃើញសត្វពស់វែងដ៏ធំមួយក្បាល លាក់ខ្លួននៅក្រោមភួយដែលបានបត់នៅជិតគ្រែ។ ក្រោយមកក្រុមអ្នកជួយសង្គ្រោះក៏បានសម្លាប់ពស់នោះតែម្ដង។

យ៉ាងណាមិញ ប៉ូលិសបានសន្និដ្ឋានថា ពស់វែកបានចឹកក្មេងស្រីយ៉ាងហោចណាស់ ៨ម៉ោង មុនពេលរកឃើញសាកសពរបស់នាង៕

ចុចអាន៖

ប្រភព៖ Asiaone ប្រែសម្រួល៖ សេង ឡុង