Diego Simeone អាចនឹងមកដឹកនាំនៅក្លឹប Inter នាថ្ងៃអនាគត

2018-01-04 11:52:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការក្លឹប Atletico Madrid លោក Diego Simeone អាចនឹងមកដឹកនាំក្លឹប Inter Milan នាថ្ងៃខាងមុខ។ នេះបើតាមសំដីកូនប្រុសលោក។

Giovanni Simeone កូនប្រុសលោក Diego Simeone

ខ្សែប្រយុទ្ធ Giovanni Simeone ដែលជាកូនប្រុសលោក Diego Simeone បានថ្លែងប្រាប់សារព័ត៌មាន Premium Sport ក្នុងថ្ងៃនេះថា៖ "បច្ចុប្បន្នគាត់កំពុងតែសប្បាយចិត្តក្នុងការដឹកនាំក្លឹប Atletico ប៉ុន្តែថ្ងៃមួយ គាត់នឹងមកដឹកនាំ ក្លឹប Inter Milan ដែលជាអតីតក្លឹបរបស់គាត់"។ Giovanni បានគូសបញ្ជាក់ទៀតថា៖ "ខ្ញុំគិតថាពេលវេលាមួយហ្នឹងនឹងមកដល់"។

គួររំលឹកឡើងវិញផងដែរ លោក Diego Simeone ធ្លាប់ចំណាយពេល ២ឆ្នាំ (១៩៩៧-១៩៩៩) លេងឲ្យក្លឹប Inter Milan កាលពីខ្លួននៅជាកីឡាករ។ កន្លងមកលោក ក៏បានបង្ហាញចំណាប់អារម្មណ៍ផងដែរ ក្នុងការចូលមកដឹកនាំក្លឹបអ៊ីតាលីមួយនេះ នាពេលណាមួយក្នុងពេលអនាគត។

សូមបញ្ជាក់ផងដែរ លោក Simeone បានចូលដឹកនាំក្លឹប Atletico កាលពីឆ្នាំ ២០១១ និងបានជួយក្លឹបឲ្យឈ្នះពាន La Liga, Europa League និងបានធ្វើឲ្យក្លឹបមួយនេះក្លាយជាក្លឹបខ្លាំងមួយនៅអឺរ៉ុប។ បច្ចុប្បន្ន Atletico កំពុងឈរលេខ ២ក្នុងលីគ មាន ៩ពិន្ទុតិចជាង Barcelona ដែលកំពុងនៅកំពូលតារាង៕

ប្រភព៖ Four Four Two ប្រែសម្រួល៖ ហ៊ីម រស្មី