រកឃើញបច្ចេកវិទ្យាថ្មី ទោះបីបាត់ខ្លួនគ្មានសេវាទូរសព្ទ ក៏អាចជួយសង្គ្រោះបាន

2018-01-05 02:20:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកវិទ្យាសាស្ត្របានអភិវឌ្ឍន៍កម្មវិធីមួយ អាចប្រើក្នុងស្ថានភាពបន្ទាន់កើតឡើងដោយគ្រោះរញ្ជួយដី ទឹកជំនន់ ឬភ្លើងឆេះព្រៃ។ប្រព័ន្ធដែលបង្កើតដោយអ្នកស្រាវជ្រាវនៅ Universidad de Alicante (UA) ក្នុងប្រទេសអេស្ប៉ាញ អាចកំណត់ទីតាំងអ្នករងគ្រោះដោយគ្មានរលកសញ្ញាទូរសព្ទបាន។

លោក Jose Angel Berna ជាអ្នកបង្កើតបច្ចេកវិទ្យា និងសាស្ត្រាចារ្យនៅ UA បាននិយាយថា៖ "យើងបានរចនាកម្មវិធីបញ្ចូលទៅកាន់ទូរសព្ទ ដែលអាចចាប់រលកសញ្ញាបានចម្ងាយជាច្រើនគីឡូម៉ែត្រ"។ ប្រព័ន្ធនេះអាចបង្ហាញទីតាំងរបស់ជនរងគ្រោះដែលបាត់ខ្លួន ឬអាចផ្ញើសារខ្លីៗដូចជា ខ្ញុំមានរបួស ឬ ខ្ញុំត្រូវការជំនួយជាដើម។

កំឡុងការសាកល្បងនៅក្រោមដី និងសមុទ្រ បានបញ្ជាក់ថា Device អាចចាប់យករលកសញ្ញាបញ្ចេញពីស្មាតហ្វូន ចម្ងាយពីពីរទៅបីគីឡូម៉ែត្រ។

លោក Berna បញ្ជាក់ថា បច្ចុប្បន្ន មិនទាន់មានប្រព័ន្ធក្នុងពិភពលោកប្រើរលកសញ្ញា ដើម្បីកំណត់ទីតាំងស្មាតហ្វូនមានតែ Device ពិនិត្យរលកសញ្ញាដែលមានតម្លៃថ្លៃ ហើយត្រូវប្រើជំនួយពី Helicopter។ ជាមួយប្រព័ន្ធថ្មី មានតម្លៃធូរថ្លៃ និងអាចប្រើដោយក្រុមអ្នកជួយសង្គ្រោះជាច្រើន៕