Oppo ឡើងកូដខ្លាំង ត្រីមាសទីបី ២០១៧ ឡើងឈរលេខមួយនៅតំបន់អាស៊ី

2018-01-07 02:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមរបាយការណ៍ពីក្រុមការងារ Counterpoint បានសរុបនៅចំនួនទីផ្សារស្មាតហ្វូនសកលប្រចាំត្រីមាសទី ៣ ឆ្នាំ ២០១៧។ គិតចាប់ពីខែកក្កដា-កញ្ញា ធៀបនឹងត្រីមាសទី ២ កើនឡើង ៩ ភាគរយ ស្របពេលធៀបនឹងត្រីមាសដដែលឆ្នាំទៅកើនបាន ៥ ភាគរយ។ ក្នុងនោះ ៣ ភាគ ៤ នៃចំណែកទីផ្សារទាំងមូល ជាប់ក្នុងកំពូលស្លាកយីហោស្មាតហ្វូនទាំង ១០។

តំណែងសកល SAMSUNG ឈរលេខ ១ មាន ២១ ភាគរយ ខណៈលេខ ២ បានលើ Apple យកឈ្នះ Huawei បាន ២ ភាគរយ អមដោយគូប្រជែងក្នុងស្រុក Oppo មាន ៨ ភាគរយឈរលេខ ៤ ហើយ Vivo ចែកស្មើជាមួយ Xiaomi ផ្ដួល LG ឲ្យនៅបាតតារាង។

ចំណុចដ៏គួរឲ្យចាប់អារម្មណ៍បើយើងក្រឡេកទៅមើលទ្វីបទាំង ៣ មានអាមេរិកខាងជើង Apple ឈរផុតលេខ, ទ្វីបអឺរ៉ុប SAMSUNG វ៉ាដាច់ដល់ទៅ ៣៣ ភាគរយ ខណៈនៅទីផ្សារអាស៊ីប្លែកអ្វីឆ្នាំនេះ Oppo មានភាពល្បីល្បាញជាងគេទៅវិញ។

រំឭកដែរថាក្នុងទីផ្សារសកលក្រុមហ៊ុនសម្ព័ន្ធមិត្តរបស់ VIVO មួយនេះ ចេញលក់ស្មាតហ្វូនបាន ៣៣.៥ លានគ្រឿង ក្នុងត្រីមាសទី ៣ ឆ្នាំ ២០១៧ កើនឡើងជាង ៣០ ភាគរយ ខណៈឆ្នាំទៅទទួលបានត្រឹម ២៥.៨ លានគ្រឿង។