Conte ហៅ Jose Mourinho ថា "a little man”

2018-01-07 03:42:04
ចំនួនមតិ 0 | ចំនួនចែករំលែក 0

ចន្លោះមិនឃើញ

សង្គ្រាមពាក្យសម្ដីរវាងអ្នកចាត់ការល្បីឈ្មោះ Jose Mourinho និង Conte បានបន្ដផ្ទុះឡើងទៀត ក្រោយពីក្រុម Chelsea បានត្រឹមស្មើ Norwich ក្នុងពានរង្វាន់ FA Cup ។

Jose បាននិយាយដៀមដាមដល់ Conte ដោយចោទថាអ្នកចាត់ការរូបនេះធ្លាប់មានប្រវត្តិរៀបចំលទ្ធផលទុកមុនការប្រកួត។ យ៉ាងណាមិញ ឆ្លើយតបទៅនឹងការនិយាយដូច្នេះ កាលពីយប់មិញនេះ អ្នកចាត់ការសញ្ជាតិអ៊ីតាលីបានយកពាក្យទាំងអស់របស់ Jose ថាជារឿងដដែលៗ ព្រោះតាំងពីដើមមកអតីតអ្នកចាត់ការក្រុម Real Madrid ម្នាក់នេះចេះតែនិយាយដូច្នេះឯង។

“ខ្ញុំគិតថាមុនពេលអ្នកនិយាយទៅថាឱ្យនរណាគេ ឬបញ្ឈឺគេនោះ អ្នកគួរតែចំណាយពេលមើលខ្លួនឯងសិន។ អ្នកកំពុងតែបង្ហាញថាខ្លួនឯងជាមនុស្សគំនិតខ្លី... អ្នកមិនបានដឹងច្បាស់លាស់ពីស្ថានភាពណាមួយនោះទេ។ ខ្ញុំស្គាល់គាត់ច្បាស់ (Jose) ពីមុន ហើយបច្ចុប្បន្នគាត់នៅតែអីចឹងដដែល ហើយទៅថ្ងៃអនាគតក៏នៅតែចឹង”។ សម្ដី Conte ។

គេសង្កេតឃើញថារដូវកាលនេះ សង្គ្រាមពាក្យសម្ដីរវាងអ្នកចាត់ការ Man Utd និង Chelsea កាន់តែផ្ទុះឡើងហើយ ក្រោយពីម្នាក់ៗមិនព្រមបន្ធូរបន្ថយគ្នាសោះ៕

ប្រភព៖ BBC ប្រែសម្រួល៖ មុន្នីរម្យ