កូនរថយន្ត Honda Jazz ស៊េរីថ្មី ក្រៅក្រុង ១០០ គ.ម ស៊ីមិនដល់ ៥ លីត្រ

2018-01-08 02:15:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រកូលរថយន្តខ្លួនតូច Jazz របស់ក្រុមហ៊ុន Honda បានវិវត្តអាប់ដែតនូវកម្លាំងម៉ាស៊ីនថ្មីប្រភេទ i-Vtech ចំណុះ ១.៥ លីត្រ ផលិតកម្លាំងបាន ១៣០ សេះ ប្រើសាំងក្រៅក្រុងរត់ ១០០គ.ម ស៊ីត្រឹម ៤.៥ លីត្រ។ តម្លៃនៅទីផ្សារអឺរ៉ុបនាពេលបច្ចុប្បន្ន ថ្លៃប្រមាណ ២៣,២៨០ ដុល្លារ ។

ស្ថិតក្នុងជម្រើស ២ ពណ៌រួមមានខៀវ និង ស តួខាងក្រៅរចនាស្អាតប្លែកពីពពួកគូប្រជែងដទៃ ស្របពេលសាច់ខាងក្នុងផ្នែកចង្កូតផ្គត់ផ្គង់ដោយគ្រឿងបរិក្ខារ Top-spec EX មានមុខងារគ្រប់គ្រងសីតុណ្ហភាព និងកាមេរ៉ាក្រោយពេលថយរថយន្ត។ អមដោយចង្កៀងប្រភេទ Fog Lights និងគ្រាប់ LED បន្សំនឹងកង់មានទំហំ ៤០ សង់ទីម៉ែត្រ។

ការវិវត្តលើជំនាន់មុនប្រើត្រឹមម៉ាស៊ីនចំណុះ ១.៣ លីត្រ ត្រកូល Jazz សេរ៊ីឆ្នាំ ២០១៨ នេះ ប្រើប្រាស់ចង្កឹះលេខដៃ ៦ វគ្គ ឬប្រភេទ CVT ហើយមានចេញលក់ជាផ្លូវការចាប់ពីខែកុម្ភៈតទៅ។