Osmo Mobile ស៊េរីថ្មី តម្លៃត្រឹមតែ ១២៩ ដុល្លារ
- 2018-01-08 03:07:56
- ចំនួនមតិ 0 | ចំនួនចែករំលែក 0
Osmo Mobile ស៊េរីថ្មី តម្លៃត្រឹមតែ ១២៩ ដុល្លារ
ចន្លោះមិនឃើញ
Gimbal ពេលនេះបានក្លាយជាឧបករណ៍ដ៏ចាំបាច់មួយសម្រាប់អ្នកដែលចូលចិត្តថតរូបភាព ឬ វីដេអូដោយប្រើប្រាស់ស្មាតហ្វូន។ ពេលនេះ DJI បានបញ្ចេញឧបករណ៍ Gimbal ស៊េរីថ្មី ម៉ូដែល Osmo Mobile 2 ដែលមានតម្លៃត្រឹម ១២៩ ដុល្លារប៉ុណ្ណោះ។
Osmo ថ្មីនេះប្រើប្រាស់ប្រព័ន្ធរក្សាលំនឹង 3-axis ដូចមុនដែរ ប៉ុន្តែវាមានការរចនារូបរាងថ្មីខុសប្លែកពីស៊េរីមុន។ ដើម្បីអាចឲ្យមានតម្លៃទាបបាន គេបានផលិត Osmo ថ្មីដោយប្រើសារធាតុនីឡុងកែច្នៃដ៏រឹងមាំ ជំនួសឲ្យលោហៈធាតុ។
គេអាចប្រើឧបករណ៍នេះសម្រាប់ថតរូបភាពពីរប្រភេទ រួមមានរូបភាព Portrait និងរូបភាពបែប Landscape (ទេសភាព)។ ស៊ុមរបស់ Osmo Mobile 2 នេះងាយស្រួលសារ៉េ ដើម្បីប្រើជាមួយស្មាតហ្វូនជាច្រើនប្រភេទ។ Osmo ជំនាន់ថ្មីនេះមិនមានថ្មដែលអាចដកចេញបានដូចមុននោះទេ ប៉ុន្តែក្រុមហ៊ុនបញ្ជាក់ថាថាមពលថ្មពេលសាកមួយពេញអាចប្រើបានដល់ ១៥ ម៉ោងឯណោះ។
DJI Osmo Mobile 2 នឹងមានលក់នៅហាង Apple Store ចាប់ពីថ្ងៃទី ២៣ ខែមករា ហើយនឹងបន្តចេញលក់នៅហាងលក់រាយដទៃទៀតជាបន្តបន្ទាប់។ តម្លៃ ១២៩ ដុល្លារគឺធូរថ្លៃ បើប្រៀបនឹង Osmo Mobile ជំនាន់ដំបូងដែលមានតម្លៃ ២៩៩ ដុល្លារឯណោះ៕