ក្បាច់ពិសេស អាចជួយអ្នកតម្រឹមរូបភាពបានស្អាតស្ទើរមិនគួរឲ្យជឿ

2018-01-09 02:03:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយការថតរូប ពេលខ្លះតែងតែបង្កើតកំហុស ជាពិសេសពេលថតរូបប្រញាប់ ឬមិនបានពិនិត្យមើល Subject ពាក់ព័ន្ធក្នុងទិដ្ឋភាព។ ម្យ៉ាងវិញទៀត បើអ្នកទាញយករូបភាពណាមួយមកប្រើប្រាស់ ពេលខ្លះរូបភាពទាំងនោះក៏មានចំនុចខ្លះ អ្នកចង់បង្ហាញ ហើយខ្លះអ្នកមិនចង់បង្ហាញ។ ដូច្នេះអ្នកប្រហែលជាត្រូវតម្រឹមរូបភាពទាំងនោះ ប៉ុន្តែគួរប្រាកដថាមិនបាត់បង់អត្ថន័យរូបភាព និងមិនធ្វើឲ្យកាន់តែអាក្រក់មើល អ្នកអាចពិនិត្យមើលចំនុចទាំងនេះបាន។

១. តម្រឹមរូបភាពបង្ហាញពីអត្ថន័យ

អ្នកមិនគួរតម្រឹមរូបភាពភ្លាមៗនោះទេ លុះត្រាអ្នកដឹងពីអ្វីអ្នកចង់បង្ហាញ និងប្រាកដថាមិនបាត់បង់អត្ថន័យរូបភាព ពេលអ្នកផ្លាស់ប្ដូរ ដោយការតម្រឹម។

២. ដកចោលចំនុចមិនចាំបាច់

ក្នុងរូបភាពអ្នកថត ប្រហែលជាមាននូវ Subject មិនត្រូវការ ឬមិនពេញលក្ខណៈ ដូច្នេះអ្នកគួរតម្រឹមចោល ដើម្បីប្រាកដថា គ្រប់យ៉ាងក្នុងទិដ្ឋភាពអាចមើលយល់។

៣. កុំព្យាយាមដាក់គ្រប់យ៉ាងនៅចំកណ្តាល

បើអ្នកតម្រឹមរូបភាពលក្ខណៈ Portrait គួរបង្ហាញ Subject នៅកណ្តាល។ យ៉ាងណាមិញ មិនមែនគ្រប់យ៉ាងអ្នកគួរកំណត់នៅកណ្តាលនោះទេ អ្នកក៏គួរអនុវត្តរូបមន្ត Rule of thirds លើការតម្រឹមរូបភាពផងដែរ។

៤. តម្រឹមនៅកម្រិតភ្នែក (Eye level)

ប្រសិនបើអ្នកចង់ដាក់ Subject នៅចំណុចកណ្តាល អ្នកក៏នៅតែអាចអនុវត្តរូបមន្ត Rule of thirds បានដោយកំណត់កម្រិតភ្នែកស្ថិតនៅចំនុចប្រសព្វនៃបន្ទាត់គំរូផ្នែកខាងលើ ដែលអាចបង្កើតអារម្មណ៍ Subject មើលមកអ្នក។

៥. ពេលតម្រឹមមុខ គួរទុកលំហខ្លះ

អ្នកមិនគួរតម្រឹមមុខ Subject ជិតពេកទេ អ្នកគួរទុកលំហខ្លះ ជាពិសេសពេល Subject បែរចេញពីកាមេរ៉ា។

៦. រូបភាព Subject ត្រូវពេញលក្ខណៈ

ពេលអ្នកតម្រឹមគួរប្រាកដថា ធាតុចូលរួមបង្ហាញក្នុងរូបភាពត្រូវពេញលក្ខណៈ។

៧. អាចឲ្យ Subject បង្ហាញជាមួយស្ទិលសក់

អ្នកមិនគួរតម្រឹម Subject ជិតពេក ដែលអាចបាត់បង់ទម្រង់ស្ទិលសក់របស់គាត់នោះទេ តែក៏មិនបាច់បង្ហាញទាំងស្រុងនោះដែរ គ្រាន់តែផ្នែកភាគច្រើននៃទម្រង់សក់គាត់បានហើយ។

៨. តម្រឹមចោលចំនុចឆ្គង

ការតម្រឹមរូបភាព ធ្វើយ៉ាងណាឲ្យ Subject បង្ហាញបានស្អាត ដូច្នេះផ្នែកមិនស្អាតបង្ហាញឃើញពេលថត អាចតម្រឹមចោលបាន ឧទាហរណ៍ស្នាមប្រឡាក់លើអាវជាដើម។

៩. សម្រាប់រូបភាព អាចតម្រឹមឲ្យស្រដៀងគ្នា

អ្នកគួរតម្រឹមរូបភាពជាច្រើន ឲ្យមានលក្ខណៈស្រដៀងគ្នាទាក់ទងនឹងកម្ពស់ Subjects សម្រាប់បង្ហាញ មិនមែនរូបមួយពង្រីកតូច រូបខ្លះបង្ហាញពេញ ខណៈរូបភាព Subject បង្ហាញស្ទិលនៅកន្លែងដដែល។