GoPro ប្រកាសដើរចេញពីជំនួញផលិត Drone
- 2018-01-09 09:04:24
- ចំនួនមតិ 0 | ចំនួនចែករំលែក 0
GoPro ប្រកាសដើរចេញពីជំនួញផលិត Drone
ចន្លោះមិនឃើញ
ក្រុមហ៊ុន GoPro បានប្រកាសពីការចាកចេញពីជំនួញផលិតកូនយន្តហោះ Drone និងប្រកាសពីការកាត់បន្ថយបុគ្គលិកចំនួន ២០% ផងដែរ។ តម្លៃហ៊ុនរបស់ក្រុមហ៊ុននេះថែមទាំងបានដាំក្បាលចុះ ក្រោយពីប៉ានស្មានខុសលើចំណូលរបស់ខ្លួន។
ចំណូលប្រចាំត្រីមាសទី ៤ ឆ្នាំ ២០១៧ របស់ GoPro មានប្រមាណ ៣៤០ លានដុល្លារ ទាបជាងការប៉ាន់ស្មានរបស់ខ្លួនដែលមាន ៤៨០ លានដុល្លារ និងទាបជាងការប៉ាន់ស្មានរបស់ Wall Street ជាមួយតួលេខ ៤៧២ លានដុល្លារ។ ក្រោយពីប្រកាសពីចំណូលនេះ ហ៊ុនរបស់ GoPro បានធ្លាក់ចុះតម្លៃ អស់ ៣០% ដោយក្នុងមួយហ៊ុនមានតម្លៃ ៥,០៤ ដុល្លារ។
ដើម្បីដោះស្រាយបញ្ហានេះ GoPro បានកាត់បន្ថយបុគ្គលិកពី ១ ២៥៤ នាក់ មកនៅត្រឹមប្រមាណ ១ ០០០ នាក់វិញ។ Nicholas Woodman នាយកប្រតិបត្តិក្រុមហ៊ុនក៏បានទម្លាក់ប្រាក់បៀវត្សរ៍របស់ខ្លួនមកនៅត្រឹម ១ ដុល្លារវិញដែរ នៅឆ្នាំនេះ។
ទាក់ទងនឹង Drone Karma វិញ ក្រុមហ៊ុននឹងបន្តបញ្ចេញលក់ Drone នេះឲ្យអស់ពីស្តុក និងផ្ដល់សេវាកម្ម និងការគាំទ្រដល់អតិថិជនរបស់ Karma ជាបន្តទៀត។
ក្រោយពីជួបរឿងបរាជ័យបែបនេះ លោក Woodman បាននិយាយថាពិចារណាលើការលក់ក្រុមហ៊ុនរបស់ខ្លួន ប៉ុន្តែកំពុងតែមានគម្រោងនៅជាឯករាជ្យសិន៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
