អេក្រង់ OLED ប្រើលើ ទូរសព្ទ និងទូរទស្សន៍ ខុសគ្នាបែបណា?

2018-01-10 08:32:21
ចំនួនមតិ 0 | ចំនួនចែករំលែក 0

ចន្លោះមិនឃើញ

OLED (Organic Light Emitting Diodes) ជាបច្ចេកវិទ្យាអេក្រង់កម្រិតខ្ពស់ ហើយមិនតម្រូវមាន Backlight ដូច្នេះអេក្រង់អាចមានកម្រិតស្តើង និងធំ។ បច្ចុប្បន្នទូរសព្ទជាច្រើនកំពុងប្រើអេក្រង់ OLED។ ក្រុមហ៊ុន Samsung ដើរតួនាទីយ៉ាងសំខាន់ក្នុងការផលិតអេក្រង់ OLED ខ្នាតតូចសម្រាប់ទូរសព្ទ ខណៈមានឃើញប្រើក្នុងទូរសព្ទ Samsung Galaxy, Apple iPhone X, Google Pixel 2 និង OnePlus។ អេក្រង់ OLED ក៏ប្រើលើទូរទស្សន៍ផងដែរ ដែលមានក្រុមហ៊ុន LG Display បច្ចុប្បន្នកំពុងផលិតអេក្រង់ OLED សម្រាប់ទូរទស្សន៍ ហើយមានឃើញប្រើក្នុងទូរទស្សន៍ LG។

ក្រុមហ៊ុន LG ក៏ផលិតអេក្រង់ OLED ទំហំខ្នាតសម្រាប់ទូរសព្ទផងដែរ ប្រើក្នុង Pixel 2 XL តែមានបញ្ហាគុណភាពរូបភាពមិនល្អ មិនដល់អេក្រង់ទូរសព្ទ OLED បង្កើតដោយ Samsung នោះទេ។ សម្រាប់អេក្រង់ទូរទស្សន៍ OLED របស់ក្រុមហ៊ុន LG មានការប្រើច្រើន ខណៈក្រុមហ៊ុន Samsung មិនបានលក់ទូរទស្សន៍ OLED តាំងពីឆ្នាំ ២០១៣។

AMOLED និង POLED

AM មកពីពាក្យ Active Matrix បង្ហាញពីរបៀប OLED pixels ត្រូវបានបង្ហាញ។ OLED ប្រើ Passive Matrix ល្អសម្រាប់ឧបករណ៍ Fitness tracker តែពេលអ្នកចង់មើលវីដេអូតម្រូវការនៅតែប្រើ Active Matrix។ ទូរសព្ទ និងទូរទស្សន៍ប្រើ OLED ទាំងអស់ជា Active Matrix។ ក្រុមហ៊ុន Samsung ហៅអេក្រង់ OLED ខ្លួនថា AMOLED ខណៈបើហៅ LCD ថា AMLCD ហើយទាំងអស់នេះជា Active Matrix។

អក្សរ P របស់ក្រុមហ៊ុន LG មកពីពាក្យ Plastic សំដៅលើធាតុរបស់អេក្រង់ OLED មិនមែនផ្នែកខាងមុខអ្នកចុចលើអេក្រង់នោះទេ។ Plastic ស្រាល និងដំណើរការល្អសម្រាប់ទូរសព្ទ អាចឲ្យអេក្រង់បត់បែនបាន ជាហេតុក្រុមហ៊ុន Samsung និង LG ប្រើសម្រាប់ទូរសព្ទអេក្រង់កោងរបស់ខ្លួន។ បច្ចុប្បន្នអេក្រង់ OLED ភាគច្រើនជា POLED និង AMOLED។

ភាពខុសគ្នារវាង RGB និង WRGB

គ្រប់អេក្រង់បង្កើតពីធាតុរូបភាពតូចមួយៗ ហៅថា Pixels។ គ្រប់ Pixels បង្កើតដោយ Sub pixels ដែលធម្មតាមានពណ៌បឋមនីមួយៗ ពណ៌ក្រហម បៃតង និងខៀវ។ ចំនុចនេះមានភាពខុសគ្នាធំរវាងប្រភេទ OLED ផ្សេងគ្នា។

ទូរសព្ទ និងទូរទស្សន៍ OLED (ដំណើរការបានមួយរយៈ) របស់ក្រុមហ៊ុន Samsung ប្រើពណ៌ក្រហម បៃតង និងខៀវនៃធាតុ OLED ដើម្បីបង្កើតជា Sub pixels។

សម្រាប់អេក្រង់ទូរសព្ទ និង ទូរទស្សន៍របស់ក្រុមហ៊ុន LG ប្រើ RGB sandwich ដើម្បីបង្កើតពន្លឺពណ៌ស (White light) បន្ទាប់មកប្រើ Color filters (ការច្រោះពណ៌) ដើម្បីបង្កើតពណ៌ក្រហម បៃតង ខៀវ និងសរ។ រាល់ Sub pixel ក្នុង LG OLED គឺពណ៌ស បន្ទាប់មក Color filter ស្ថិតពីលើកំណត់ផ្នែកអ្វីពណ៌ស អ្នកបានឃើញ។ រាល់ Sub pixel គឺដូចគ្នាដែល Panel ទាំងស្រុងស្ថិតនៅកម្រិតដូចគ្នាដែរ។ Panel នឹងចុះប្រែងងឹតរាល់ពេល តែមិនប្តូរពណ៌នោះទេ។ ការផលិតមានលក្ខណៈងាយស្រួល និងតម្លៃក៏ធូរថ្លៃដែរ។ សម្រាប់អេក្រង់ទូរទស្សន៍ LG បង្ហាញបានល្អ រីឯអេក្រង់ទូរសព្ទរបស់ Samsung បានល្អជាង។

Pixels ធំ និងតូច

ដូចអ្នកដឹង Pixels លើទូរសព្ទតូចឆ្ងាយជាងលើទូរទស្សន៍ មិនមែនដោយសារការផលិតស្មុគស្មាញនោះទេ ព្រោះទាំងពីរសុទ្ធតែស្មុគស្មាញ តែគឺរបៀបបង្កើតពន្លឺរបស់ពួកវា។

OLED ជាបច្ចេកវិទ្យា Emissive ដោយវាបង្កើតពន្លឺខ្លួនឯង ខណៈ LCD ជាបច្ចេកវិទ្យា Transmissive ដែលមុខងារសំខាន់របស់ Liquid crystal រារាំងពន្លឺដើម្បីបង្កើតកម្រិតពណ៌ប្រផេះក្នុងការបង្កើតរូបភាពមួយ។ OLED pixels បង្កើតពន្លឺខ្លួនឯង ដូច្នេះទំហំកាន់តែតូច ពន្លឺកាន់តែតិច។ ក្រុមហ៊ុនផលិតបានព្យាយាមធ្វើឲ្យវាមានថាមពលកាន់តែច្រើន ដើម្បីធ្វើឲ្យភ្លឺ តែមានបញ្ហាមួយចំនួនដូចជាប្រើថ្មច្រើន និងឡើងកម្តៅ។