លោកត្រាំ បន្លំធ្វើមាត់ម្ហបៗ ពេលកំពុងគោរពភ្លេងជាតិអាមេរិក (មានវីដេអូ)

2018-01-09 13:57:38
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់ថ្ងៃច័ន្ទម្សិលមិញ នៅមុនពេលចាប់ផ្ដើមការប្រកួតជើងឯកបាល់ទាត់អាមេរិក នៅទីក្រុង Atlanta លោកប្រធានាធិបតីសហរដ្ឋអាមេរិក ដូណាល់ ត្រាំ ត្រូវបានប្រទះឃើញថា បានច្រៀងខុសពាក្យ ពេលកំពុងគោរពភ្លេងជាតិរបស់ប្រទេសខ្លួន។

នៅពេលគោរពភ្លេងជាតិអាមេរិក លោកប្រធានាធិបតីដូណាល់ ត្រាំ បានលើកដៃស្ដាំរបស់ខ្លួនដាក់លើទ្រូងឆ្វេងរបស់ខ្លួន រួចក៏បានធ្វើការច្រៀងតាមភ្លេងនោះ។ ប៉ុន្តែពេលកំពុងតែច្រៀងៗ ស្រាប់តែនៅពេលដល់ឃ្លា "at the twilight's last gleaming” លោកត្រូវបានប្រទះឃើញថា ហាក់ច្រៀងខុសឃ្លា រួចក៏ធ្វើការម្ហបៗ បន្ទាប់មកក៏ឈប់ច្រៀងបន្តិច មុនពេលច្រៀងត្រូវឃ្លាឡើងវិញ។

Trump CRUSHING the anthem @BarstoolNewsN pic.twitter.com/XyLhEGZm7O

— Barstool Sports (@barstooltweetss) January 9, 2018

ក្រោយហេតុការណ៍នេះ លោកត្រាំ ត្រូវបានទស្សនិកជនក្នុងកីឡដ្ឋាន ធ្វើការស្រែកចំអកឲ្យយ៉ាងខ្លាំង។

រហូតមកទល់ពេលនេះ សេតវិមានមិនទាន់ឆ្លើយតបទាក់ទិននឹងហេតុការណ៍នេះនៅឡើយទេ៕

Trump booed in a stadium as he mumbles through the national anthem - brutal TV pic.twitter.com/7LbNWber2t
— Rupert Myers (@RupertMyers) January 9, 2018

ប្រភព៖ South China Morning Post អត្ថបទ៖ សេរី មង្គល