រកស៊ីគួកជេឡានជាង ៧ ឆ្នាំ កាន់តែយ៉ាប់ទៅ មានតែដើរមួយជំហានគិតមួយជំហាន
- 2018-01-11 03:13:24
- ចំនួនមតិ 0 | ចំនួនចែករំលែក 0
រកស៊ីគួកជេឡានជាង ៧ ឆ្នាំ កាន់តែយ៉ាប់ទៅ មានតែដើរមួយជំហានគិតមួយជំហាន
ចន្លោះមិនឃើញ
លោកឈឹម ទូច ចាប់របរគួកជេរឡានជិត ៧ ឆ្នាំ និងមិនទាន់គិតចង់ផ្លាស់មុខរបរណាផ្សេងទេ។ សម្រាប់អាជីពតាមដងផ្លូវរបស់លោក អ្វីជាការផ្លាស់ប្តូរធំបំផុតគឺចំណូលដែលកាន់តែខ្សត់ខ្សោយពីមួយឆ្នាំទៅមួយឆ្នាំ។
ទីតាំងឈរជើងក៏មិនទាន់ច្បាស់ ត្រូវចល័តចុះឡើង ការប្រជែងគ្នាក៏កាន់តែច្រើន លោកប្រាប់ថា មានតែដើរមួយជំហានគិតមួយជំហាន។
លោក ឈឹម ទូច ប្រាប់ថា លោកចាប់របរទិញលក់ឡានជិត ៧ ឆ្នាំ ដោយសារលោកមានជំនាញធ្លាប់ធ្វើជាងឡានពីមុនមក។ ដំបូងកាក់កបគ្រាន់បើ ទើបតែមួយរយៈក្រោយនេះការលក់កាន់តែយ៉ាប់យឺនទៅ។
លោកឲ្យដឹងថា បន្ទាប់ពីអាជ្ញាធរបានផ្លាសប្តូរទីតាំងលក់ពីសួនច្បារប្រជាធិបតេយ្យ លោកត្រូវរើទីតាំងលក់មកនៅក្បែររបងបណ្ណាល័យជាតិ ដែលធ្វើឲ្យចំណូលធ្លាក់ចុះយ៉ាងខ្លាំង។
លោកលើកឡើងបន្តថា ការកើនឡើងអ្នករកស៊ីប្រដេញជើងគ្នា ក៏ជាចំណែកធំធ្វើឲ្យប៉ះពាល់ដល់មុខរបរប្រចាំថ្ងៃរបស់លោកដែរ។
ក្រៅពីមានប្រកបរបរទិញលក់ឡាន លោកឈឹម ទូច ក៏មានទទួលជួយមើលឡានសម្រាប់អតិថិជន ដែលត្រូវការទិញឡានមួយទឹកយកមកប្រើប្រាស់។
បុរសវ័យជាង ៥០ ឆ្នាំនេះប្រាប់ថា មានអតិិថជនមួយចំនួនតែងតែពឹងពាក់លោកជួយរកទិញឡាន មិនថាទម្លាក់ពីកុងតឺណ័រឬតាមឃ្លាំងនានា។
លោកថា ប្រភេទឡានមួួយទឹកមានបញ្ហាច្រើន បើអ្នកមិនចេះមើលអាចចាញ់បោកគេ ដែលមិនត្រឹមតែខាតលុយថែមទាំងមានគ្រោះថ្នាក់ក្នុងការបើកបរទៀតផង៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេPage Sabay News Technology...
អានអត្ថបទ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
