AI ជំនាន់ចុងក្រោយរបស់ Google អាចប្រាប់ពីគុណភាពរូបភាពស្អាត ឬមិនស្អាត

2018-01-11 01:45:18
ចំនួនមតិ 0 | ចំនួនចែករំលែក 0

ចន្លោះមិនឃើញ

Artificial intelligence (AI) អាចធ្វើអ្វីបានច្រើន អាស្រ័យក្រុមហ៊ុននីមួយៗយកទៅប្រើប្រាស់ ហ្វឹកហាត់ប្រព័ន្ធមួយនេះ ជាក់ស្តែង AI ជំនាន់ចុងក្រោយរបស់ Google សម្រាប់ឆ្នាំ ២០១៨ អាចមានសមត្ថភាពដាក់ពិន្ទុរូបភាពអាស្រ័យលើគុណភាពសោភ័ណភាព ស្រដៀងនឹងអ្វីដែលមនុស្សនឹងនិយាយអំពីរូបភាពនោះដែរ។ AI engine ថ្មីនេះផលិតចេញពី Google AI ពីមុនដែលជា Convolutional neural networks (CNNs)។

CNNs អាចដំណើរការបានល្អច្រើន រួមទាំងកំណត់នូវធាតុជាក់លាក់ណាមួយ អាស្រ័យលើលក្ខណៈរបស់ពួកគេ ដូចជាច្រមុះ ភ្នែក និងចំនុចលើមុខជាច្រើនទៀតក្នុងបណ្ដុំរូបភាពជាច្រើន។ Networks ទាំងនេះគ្រាន់តែអាចកំណត់គុណភាពរូបភាពតាមបែប Binary។ យ៉ាងណាមិញ រូបភាពត្រូវបានវាយតម្លៃផ្អែកលើវត្តមាន ឬអវត្តមាននៃលក្ខណៈរូបរាង ដូចជាច្រមុះ និងគុណភាពផ្សេងទៀត។

បច្ចុប្បន្ន Neural Image Assessment (NIMA) របស់ Google អាចវិភាគបានរបៀបដែលមនុស្សនឹងផ្តល់តម្លៃដល់រូបភាព។ ដោយការប្រើកម្មវិធីសម្គាល់ធាតុ NIMA អភិវឌ្ឍន៍ការយល់ពីរូបភាព ហើយប្រើពិន្ទុពី ១ ទៅ ១០ ដើម្បីកំណត់តម្លៃរូបភាព។

រូបភាពខាងលើ បណ្តាលរូបភាពទេសភាពត្រូវបានវាយតម្លៃលើសោភ័ណភាពដោយមនុស្ស និងដោយ NIMA។ ពេលប្រៀបធៀបទៅនឹងពិន្ទុមនុស្សផ្តល់ឲ្យលើរូបភាពដូចគ្នា មានកម្រិតដឺក្រេខ្ពស់ស្រដៀងគ្នា ផ្តល់ដោយ AI របស់ Google។

NIMA អាចប្រើជា Tool សម្រាប់ការងារជាច្រើនដូចជាការកាត់តរូបភាពដោយស្វ័យប្រវត្តិ ឬធ្វើឲ្យរូបភាពប្រសើរឡើងសម្រាប់ទាក់ទាញភ្នែកអ្នកមើល។ ក្រោយ NIMA ហ្វឹកហាត់កាន់តែយូរ NIMA នឹងកាន់តែមានភាពជោគជ័យក្នុងការកំណត់សោភ័ណភាពគុណភាពរូបភាពជាច្រើន។

ពេលអនាគត បច្ចេកវិទ្យាប្រភេទនេះក៏អាចអនុវត្តលើកាមេរ៉ាផងដែរក្នុងការផ្តល់ឲ្យអ្នកថតរូបនូវចម្លើយភ្លាមៗពីគុណភាពរូបភាពពួកគាត់ ឬលើកុំព្យូទ័រដោយជួយអ្នកក្នុងការកាត់តរូបភាពឲ្យបានប្រសើរបំផុត៕