អវកាសយានិក​ជប៉ុន​ ​ដែល​ប្រកាស​តាម​គណនី​បណ្ដាញ​សង្គម​ ​Twitter​ ​ថា​លូត​កម្ពស់​ ​៩​ ​សង់ទីម៉ែត្រ​ក្រោយ​រស់​នៅ​ក្នុង​ស្ថានីយ​អវកាស​អន្តរជាតិ​រយៈពេល​ ​៣​ ​សប្ដាហ៍​នោះ​ ​បាន​គេ​មុខ​សុំទោស​ជា​សាធារណៈ​នូវ​អ្វី​ដែល​គាត់​អះអាង​កាល​ពី​ថ្ងៃ​ ​៩​ ​មករា​ ​២០១៨។

លោក​ ​Norishige Kanai​ ​បញ្ជាក់​ថា​ពេល​ដែល​គាត់​អះអាង​លូត​កម្ពស់​ ​៩​ ​សង់ទីម៉ែត្រ​ ​គឺ​ដោយសារ​កំហុស​បច្ចេកទេស​នៃ​ឧបករណ៍​វាស់​ដែល​មិន​ដឹក​ស្មាន​ដល់​ ​ខណៈ​ធាតុ​ពិត​គាត់​ពិត​ជា​បាន​លូត​កម្ពស់​មែន​ ​ប៉ុន្តែ​ត្រឹម​ ​២​ ​សង់ទីម៉ែត្រ​ប៉ុណ្ណោះ។

ការ​វាស់​កម្ពស់​បញ្ជាក់​ជា​លើក​ទីពីរ​របស់​លោក​ ​Norishige Kanai​ ​គឺ​ធ្វើ​ឡើង​ក្រោយ​អវកាសយានិក​រុស្ស៊ី​ ​ដែល​មេ​បញ្ជាការ​ក្នុង​ប្រតិបត្តិការ​ទៅ​អវកាស​របស់​ ​Kanai​ ​សង្ស័យ​ថា​នេះ​ពិបាក​នឹង​ជឿ​ ​ហើយ​ជា​លទ្ធផល​ ​គឺ​ពិត​ជា​មិន​លូត​ដល់​ ​៩​ ​សង់ទីម៉ែត្រ​មែន។

ការ​សិក្សា​កន្លង​មក​របស់​ ​NASA​ ​បាន​រក​ឃើញ​ត្រឹម​ថា​រាងកាយ​មនុស្ស​ដែល​ទៅ​នៅ​អវកាស​អាច​លូត​កម្ពស់​ចន្លោះ​ពី​ ​៣​ ​ទៅ​ ​៥​ ​សង់ទីម៉ែត្រ៕

ទទួល​បាន​ព័ត៌មាន​ថ្មីៗ​ ​គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា​ Like Page Sabay News Technology...

អាន​អត្ថបទ​បន្ទាប់

• នៅ​អវកាស​ ​៣​ ​សប្ដាហ៍​ ​បុរស​ជប៉ុន​ម្នាក់​វែង​ជាង​មុន​ ​៩​ ​សង់ទីម៉ែត្រ
• រក​ឃើញ​ហើយ ជើង​ខ្លាំង​ហ៊ាន​ដាក់​បច្ចេកវិទ្យា​ស្កេន​ក្រយៅ​ដៃ​ក្រោម​អេក្រង់​ទូរសព្ទ

ប្រភព៖ BBC   ប្រែ​សម្រួល៖ រដ្ឋ