តារា​អាល្លឺម៉ង់ម្នាក់ត្រូវ​គេ​គំរាម​សម្លាប់​ ក្រោយ​ទាក់ទង​ជាមួយ​ប្រុសកូរ៉េ

  • 2018-01-12 05:00:39
  • ចំនួនមតិ

ចន្លោះមិនឃើញ

តារា​ YouTube ល្បី​ឈ្មោះ​ម្នាក់​បាន​ រង​នូវ​ការ​គំរាម​កំហែង​ដល់​អាយុ​ជីវិត​ ក្រោយ​នាង​បង្ហាញ​ថា​ខ្លួន​មាន​សង្សារ​ជា​ប្រុស​អាស៊ី។

ក្នុង​វីដេអូ​ដែល​បង្ហោះ​កាល​ពី​ថ្ងៃ​ទៅ ០៩ ខែ​មករា​កន្លង​ទៅ​ Farina Behm បាន​បង្ហាញ​ជា​សាធារណៈ​ថា​នាង​ បាន​ទាក់ទង​ស្រឡាញ់​គ្នា​ជាមួយ​មិត្ត​ប្រុស​ជនជាតិ​កូរ៉េ​ អស់​រយៈ​ពេល​ ២​ឆ្នាំ​ហើយ តែ​ពេល​នោះ​ស្រាប់​តែ​មាន​មតិ​ខ្លះ​ចោទ​ថា​ ជា​រឿង​ល្ងង់​ខ្លៅ​ទៅ​វិញ។

មិត្ត​ប្រុស​របស់​ Farina មាន​ឈ្មោះ​ថា​ Dong In ធំធាត់​ក្នុង​ប្រទេស​អាល្លឺម៉ង់​ដូច​នាង​ដែរ​ ហេតុ​នេះ​បើ​និយាយ​ពី​ទម្លាប់​រស់​នៅ​វិញ​ មិន​មែន​ជា​ឧបសគ្គ​សម្រាប់​អ្នក​ទាំង​ ២​ក្នុង​ការ​ទាក់ទង​គ្នា​នោះ​ទេ។ ប៉ុន្តែ​អ្វី​ដែល​ធ្វើ​ឲ្យ​គ្រប់​គ្នា​លើ​បណ្ដាញ​អ៊ីនធឺណិត​មិន​ពេញ​ចិត្ត​នោះ​ គឺ​ដោយ​សារ​ភាព​ខុសគ្នា​នៃ​ប្រវត្តិ​រស់​នៅ​ខ្លះ​របស់​គូស្នេហ៍​នេះ។

ក្រោយ​ពេល​ឃើញ​ប្រតិកម្ម​របស់​មហាជន​ចំពោះ​នាង​បែប​នេះ​ Farina បាន​និយាយ​ថា៖ "សម្រាប់​ខ្ញុំ​ ពិត​ជា​ភ្ញាក់ផ្អើល​ជា​ខ្លាំង​ ពេល​មនុស្ស​មួយ​ចំនួន​នាំ​គ្នា​គិត​គំនិត​ចាស់​គំរឹល​បែប​នេះ។ ពិតណាស់​ ខ្ញុំ​ដឹង​ថា​វា​ជា​ការ​ប្រកាន់​ពូជសាសន៍​ ប៉ុន្តែ​ខ្ញុំ​មិន​ដែល​ប្រឆាំង​ ឫ​រើស​អើង​ឡើយ។ ខ្ញុំ​យល់​ម្នាក់ៗ​មាន​សិទ្ធិ​ស្មើគ្នា​ ហើយ​ក៏​មិន​គួរ​ប្រកាន់​ជំហរ​មិន​ល្អ​ចំពោះ​អ្នក​ដែល​មាន​ពណ៌​សម្បុរ ខុសគ្នា​ដែរ"។

ស្រី​ស្អាត​សញ្ជាតិ​អាល្លឺម៉ង់​រូប​នេះ​បន្ត​ទៀត​ថា៖ "មាន​អ្នក​ខ្លះ​ប្រាប់​ខ្ញុំ​ ឲ្យ​រក​បុរស​នា​ម្នាក់​ផ្សេង​ទៀត​ ព្រោះ​បុរស​អាស៊ី​មិន​មែន​ជា​បុរស​ពិត​នោះទេ។ អ្វី​ដែល​កាន់​តែ​ធ្ងន់ធ្ងរ​ ខ្លះ​ទៀត​គំរាម​ចង់​សម្លាប់​ពួក​ខ្ញុំ​ទៀត​ផង”។

សង្សារ​បុរស​កូរ៉េ​រូប​នេះ​ ជឿ​ច្បាស់​ថា​ អ្នក​ដែល​ជំទាស់​រឿង​ស្នេហា​ពួកគេ​ គឺ​ជា​អ្នក​ដែល​មាន​ស្បែក​ស។

មួយ​ម៉ាត់​ចុង​ក្រោយ​ នាង​បញ្ជាក់​យ៉ាង​មានន័យ​ថា៖ "អ្នក​មិន​អាច​ផ្លាស់​ប្ដូរ​ផ្នត់​គំនិត​របស់​អ្នក​ដែល​ប្រឆាំង​នឹង​ជម្រើស​របស់​យើង​ទេ តែ​ក៏​កុំ​បារម្ភ​ដែរ។ គ្រាន់​តែ​ដឹង​ទៅ​ថា​ ស្នេហា​របស់​អ្នក​ពោរពេញ​ទៅ​ដោយ​សុភមង្គល​ឲ្យ​គ្នា​ទៅ​ គឺ​គ្រប់​គ្រាន់​ហើយ”៕


ប្រភព៖ nextshark   ប្រែ​សម្រួល៖ យី សុធារី