ហាមឲ្យហើយ! ផ្កាប្រភេទនេះមិនត្រូវដាំនៅផ្ទះដាច់ខាត ប្រយ័ត្នស៊យធំ

2018-01-12 08:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្កាចំប៉ា ដែលបងប្អូនស្គាល់ថាជាផ្កាម្យ៉ាងគេតែងតែដាក់តាមខ្លួនដើម្បីឲ្យជាប់ក្លិនក្រអូប។ ប៉ុន្តែប្រិយមិត្តអ្នកអានប្រហែលមិនដឹងទេថា ផ្កាមួយប្រភេទនេះ មានឥទ្ធិលយ៉ាងណាដល់រាសីរបស់អ្នក។ ព្រឹទ្ធាចារ្យម្នាក់ បានអះអាងថា ផ្កានេះ វានឹងផ្ដល់ភាពអពមង្គលដល់គ្រួសារណាដែលយកវាទៅដាំនៅផ្ទះ ហើយក៏មិនងាយមានគ្រូបារអារចារ្យណាអាចរំដោះគ្រោះនោះបានឡើយ។

(ផ្កាចំប៉ា)

លោក កៅ សារ៉ន ព្រឹទ្ធាចារ្យមើលការខុសត្រូវ និងថែរក្សាគម្ពីរស្លឹករឹតនៃបណ្ណាល័យជាតិ បានរៀបរាប់ថា ផ្កាមិនត្រឹមតែមិនជួយឲ្យគ្រួសារចម្រុងចម្រើននោះទេ ថែមទាំងត្រូវជួបគ្រោះស៊យដោយសារវាទៀត។ " បើជាវាមានក្លិនក្រអូបគួរឲ្យថែរក្សានៅគេហដ្ឋានក៏ពិតមែន តែយើងមិនអាចដាំវាបានទេ ហើយចាស់ៗបានហៅវាថា ជាផ្កាកាកី" លោក សារ៉ន ពន្យល់។ ព្រឹទ្ធាចារ្យរូបនេះ លើកឡើងថា "មានគ្រួសារមួយទើបតែរៀបការបានដាំផ្កាចំប៉ានៅផ្ទះដោយមិនបានសួរចាស់ទុំ ស្រាប់តែមិនយូរប៉ុន្មានក៏មានជម្លោះឥតល្ហែ ដល់ថ្នាក់បែកបាក់ផ្លូវគ្នា"។ នេះជារឿងអពមង្គលមួយត្រូវបានគេសម្គាល់។

បើនិយាយពីរឿងរាសី ផ្កានេះនឹងធ្វើឲ្យគ្រួសាររកស៊ីអ្វីក៏ដាក់ និងអាចមានគ្រោះពិបាកដោះទៀតផង។ យ៉ាងណា គ្រូចាស់បុរាណរូបនេះ បញ្ជាក់បន្ថែមថា លោកអ្នកអាចទទួលឬទិញផ្កានេះពីអ្នកដទៃបាន តែដាច់ខាតមិនអាចដាំនៅផ្ទះបានទេ៕

អត្ថបទ៖ ស៊ិន សាវ៉េត