កប់! ដឹងតម្លៃចំណាយលើគម្រោងព្រលានយន្តហោះថ្មីៗទាំង៣នៅកម្ពុជាហើយ ស្ទើរមិនជឿ

2018-01-14 05:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រលានយន្តហោះអន្តរជាតិ ៣ កន្លែងក្នុងខេត្តផ្សេងគ្នានៅកម្ពុជាគ្រោងនឹងដំណើរការសាងសង់នាពេលខាងមុខ និងចំណាយថវិការាប់ពាន់លានដុល្លារ តាមរយៈការវិនិយោគពីក្រុមហ៊ុនបរទេស។ តើព្រលានយន្តហោះអន្តរជាតិ ៣កន្លែងនោះ ស្ថិតនៅខេត្តណាខ្លះ? សួមអានអត្ថបទដូចខាងក្រោម៖

១. ព្រលានយន្តហោះអន្តរជាតិភ្នំពេញថ្មី

ព្រលានយន្តហោះថ្មីក្នុងប្រទេសកម្ពុជា ដែលប្រកាសនឹងសាងសង់លើផ្ទៃដីទំហំប្រមាណ ២ ៦០០ហិកតា ស្ថិតនៅក្រុងតាខ្មៅ ស្រុកកណ្តាលស្ទឹង ខេត្តកណ្តាល។ គម្រោងនេះនឹងចំណាយទុនរហូតដល់ទៅ ១ ៥០០ លានដុល្លារកន្លះ ក្នុងនោះទឹកប្រាក់ ១ ១០០លានដុល្លារ ជាកម្ចីពីធនាគារបរទេស និង ២៨០លានដុល្លារជារបស់ក្រុម OCIC របស់ឧកញ៉ា ពុង ឃាវសែ ហើយដើមទុនចុះបញ្ជីមាន ១២០លានដុល្លារអាមេរិក។

(រូបតំណាង)

ឯកឧត្តម កែវ ស៊ីវន អគ្គនាយកបច្ចេកទេសនៃអាកាសចរណ៍កម្ពុជា បានបញ្ជាក់ Sabay ថា គម្រោងនេះនៅមិនទាន់មានប្លង់ (Master Plan) នៅឡើយ ដែលអាចចំណាយរៀបចំប្លង់ចេញជាផ្លូវការយ៉ាងយូរបំផុតនៅដើមឆ្នាំក្រោយ។

២. ព្រលានយន្តហោះអន្តរជាតិនៅខេត្តសៀមរាបថ្មី

ព្រលានយន្តហោះថ្មីក្នុងខេត្តសៀមរាប គ្រោងចំណាយថវិកាជាង ៨០០លានដុល្លារ និងមានទីតាំងនៅក្នុងស្រុកសូត្រនិគម ខេត្តសៀមរាប ស្ថិតនៅលើផ្ទៃដី ប្រមាណ ៧៥០ហិចតា ជាការវិនិយោគ និងសាងសង់ដោយក្រុមហ៊ុនYUNAN Development Group ។

(រូបមួយក្នុងចំណោមប្លង់ជម្រើសទាំង៤)

បើតាមលោក ស៊ិន ចាន់សិរីវុត្ថាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានប្រាប់អ្នកសារព័ត៌មានកន្លងទៅថា ព្រលានយន្តហោះនេះ នឹងសាងសង់ជាពីរដំណាក់កាល ដោយដំណាក់កាលទី១ គ្រោងចំណាយថវិកា៥០០លានដុល្លារ ដែលអាចឲ្យចុះចតយន្តហោះខ្នាតមធ្យមសម្រាប់យន្តហោះខ្នាត4E និងដំណាក់កាលទី២ គ្រោងចំណាយថវិកាជាង ៣០០លានដុល្លារទៀត ទើបអាចចុះចតយន្តហោះខ្នាតយក្សបាន។ ចំណែកឯការសាងសង់ព្រលានយន្តហោះនេះអាចចំណាយពេលពី៣ទៅ៥ឆ្នាំ ដើម្បីបញ្ចប់ទាំងដំណាក់កាលទី១និងដំណាក់កាលទី២។

៣. ព្រលានយន្តហោះអន្តរជាតិដំបូងនៅខេត្តកោះកុង

ព្រលានយន្តហោះលំដាប់អន្តរជាតិថ្មីមួយទៀតនៅខេត្តកោះកុង ដែលវិនិយោគដោយក្រុមហ៊ុនUnion Development Group (UDG) របស់ប្រទេសចិន គ្រោងវិនិយោគទឹកប្រាក់ចន្លោះពី ៣០០ទៅ៣៥០លានដុល្លារ។

បច្ចុប្បន្ននេះ កំពុងចាប់ផ្ដើមឈូសឆាយដី ដើម្បីរៀបចំជាការដ្ឋានហើយ។ ព្រលានយន្តហោះនេះមានទំហំដី៧៥០ហិកតា ជាលក្ខណៈខ្នាតអន្តរជាតិតែម្ដង ហើយអាចទទួលការចុះចតយន្តហោះមកពីគ្រប់ទិសទី។ នេះបើតាមប្រភពពីមន្ត្រីអាកាសចរណ៍៕

អត្ថបទ៖ ស៊ិន សាវ៉េត

ពាក្យទាក់ទង

អាកាសចរណ៍

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤