ម្ដាយ Selena អស់សិទ្ធឃាត់ឃាំង លើទំនាក់ទំនងកូនស្រី និង Justin

2018-01-14 07:17:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុត អ្នកស្រី Mandy Teefy ម្ដាយរបស់តារាសម្ដែង និងចម្រៀង Selena Gomez ទទួលស្គាល់ថា ខ្លួនពិតជាមិនពេញចិត្ត ដែលកូនស្រីត្រូវគ្នាវិញជាមួយអតីតគូស្នេហ៍ Justin Bieber។ ត្បិតមិនសាទរជុំវិញទំនាក់ទំនង ស្នេហារបស់កូនមែន តែអ្នកស្រីសង្កត់ន័យថា ខ្លួនគ្មានអ្វីត្រូវហាមឃាត់ពួកគេមិនឲ្យស្រឡាញ់គ្នាឡើយ។

កាលពីខែមុន ម្ដាយរបស់ Selena Gomez បានផ្ដាច់ទំនាក់ទំនងជាមួយកូនស្រីលើបណ្ដាញសង្គម intragram ដោយអ្នកស្រីបាន unfollow នាងឆៅៗតែម្ដង។ ជាមួយរឿងរ៉ាវនេះ ពាក្យចចាមអារ៉ាម១ត្រូវបានបាចសាចគ្រប់ទីកន្លែងថា Selena និងម្ដាយថែមទាំងមានទំនាស់នឹងគ្នាយ៉ាងខ្លាំងទៀត ក្រោយដឹងថានាងត្រូវរ៉ូវជាមួយ Justine Bieber វិញ។

ផ្ទុយទៅវិញថ្មីៗនេះ អ្នកស្រី Mandy Teefy បានផ្ដល់បទសម្ភាសទៅកាន់សារព័ត៌មាន Gossip Cop. ដោយនិយាយត្រង់ៗថា អ្នកស្រីមិនដែលនិយាយរក Justin ម្ដងឡើយតាំងពីពេលបានជួបគេ ខណៈ Selena កំពុងវះកាត់ក្រលៀនមកម្ល៉េះ ហើយរយៈពេលប៉ុន្មានឆ្នាំមកនេះ អ្នកស្រី និង JB បានផ្ដាច់ទំនាក់ទំនងទាំងស្រុង សូម្បីតែសារក៏មិនដែលបានទាក់ទងដែរ។

អ្នកស្រីបន្ថែមថា ខ្លួនពិតជាមិនសប្បាយចិត្តទេក្រោយដឹងដំណឹងថាគេទាំង២បានត្រឡប់មកត្រូវរ៉ូវគ្នាវិញ ប៉ុន្តែអ្នកម្ដាយរូបនេះមិនបានជំទាស់ ឬហាមកូនស្រីដូចសារព័ត៌មានមួយចំនួនចុះផ្សាយកន្លងមកនោះទេ។

អ្នកស្រីពណ៌នាយ៉ាងលម្អិតថា៖ " Selena អាចរស់នៅក្នុងជីវិតដែលនាងប្រាថ្នា ឲ្យតែនាងរីករាយ មានសន្តិភាពក្នុងចិត្ត និងសុខភាពល្អទៅបានហើយ។ ខ្ញុំមិនបានគ្រប់គ្រង ឃាំងឃាត់នាងដូចអ្វីដែលព័ត៌មានបានផ្សាយកន្លងមកទេ។ Selena ធំហើយ នាងមានជម្រើសរបស់នាង"៕

ប្រភព៖ Kenh14 | GossipCop. ប្រែសម្រួល៖ សុខណា