ក្លឹបល្មមៗត្រឹម Everton តែប្រាក់អាទិត្យរបស់កីឡាករប្រហែលនឹង Bayern

2018-01-15 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Premier League ជាលីគមានប្រជាប្រិយភាពបំផុតក្នុងពិភពលោក ហើយកីឡាករនៅទីនោះទទួលបានចំណូលច្រើនៗទោះនៅក្លឹបមិនសូវធំក៏ដោយ។ មានសំនួរមួយតែងសួរថា ហេតុអ្វីកីឡាករអង់គ្លេសមិនសូវចេញទៅលេងលីគក្រៅប្រទេស?

មូលហេតុធំនៃការមិនចាកចេញរបស់កីឡាករអង់គ្លេសទាំងនោះ ដោយសារលីគក្នុងប្រទេសពួកគេមានចំណូលច្រើនៗទៅហើយ ណាមួយជាស្រុកកំណើតទៀតអ៊ីចឹងក៏មិនចង់ផ្លាស់ទៅណា។ ប្រៀបជាក់ស្ដែង Everton ជាក្លឹបលំដាប់មធ្យមក្នុងលីគកំពូល អាចនិយាយបានថាគីឡូ Europa League ប៉ុន្តែប្រាក់អាទិត្យរបស់កីឡាករនៅទៅនោះ ក៏មិនចាញ់កីឡាករនៅ Bayern Munich ដែរ។

Wayne Rooney ដែលជាចំណូលថ្មីរបស់ Everton ជាកីឡាករមានប្រាក់ឈ្នួលថ្លៃជាងគេក្នុងក្រុម១៥ម៉ឺនផោនក្នុងមួយសប្ដាហ៍។ ក្រឡេកទៅ Bayern Munich ដែលជាគីឡូ Champions League មាន Robert Lewandowski ជាកីឡាករមានប្រាក់អាទិត្យច្រើនជាងគេគឺ២០ម៉ឺនផោនក្នុងមួយសប្ដាហ៍។ Arturo Vidal ដែលជាកីឡាករជោគជ័យមួយរូបនោះមានឈ្នួលត្រឹម១២,៥ម៉ឺនផោន នៅចាញ់ Gylfi Sigurdsson ទទួលបាន១៥ម៉ឺនផោនក្នុងមួយសប្ដាហ៍ដែលជាកីឡាករមិនសូវលេចឈ្មោះផងនោះ។

បើប្រៀបធៀបប្រាក់ឈ្នួលនៃកីឡាករទាំងអស់របស់ក្លឹបទាំងពីរគឺប្រហាក់ប្រហែលគ្នាទេ៕

Everton