ឲ្យតែ Bitcoin កាន់តែឡើងថ្លៃ Hacker ត្រៀមខ្លួនចាំប្រមាញ់រួចស្រេច

2018-01-16 01:56:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពល្បីល្បាញនៃជំនួញរូបិយប័ណ្ណឌីជីថលកំពុងរីករាលដាលដូចផ្សិតនៅជុំវិញពិភពលោក ប៉ុន្តែសម្របនឹងការឡើងថ្លៃនៃ Bitcoin ម្ល៉ោះក៏អាចជាគោលដៅមួយនៃការវាយប្រហារពីសំណាក់ក្រុម Hacker។

អ្នកជំនាញក្នុងស្ថាប័ន Symantec លោក Candid Wuest បានប្រាប់សារព័ត៌មាន The Independent ដូច្នោះថា "ដើម្បីទទួលបានសុវត្ថិភាពខ្ពស់បំផុតក្នុងការជួញដូរ Bitcoin អ្នកគួរប្រើមធ្យោបាយ Cold Wallet ដែលចាំបាច់មិនអនុញ្ញាតឲ្យភ្ជាប់ការទិញលក់តាមកុំព្យូទ័រឡើយ"។

ជាទូទៅបើអ្នកជួញដូរលើសេវាកម្មនៃគេហទំព័រណាមួយ បែបនោះពួកគេជាអ្នកគ្រប់គ្រងរាល់ទិន្នន័យទាំងមូល ថ្វីបើម្ចាស់ស្ថាប័នគ្មានបំណងអាក្រក់ តែគោលដៅ Hacker ក្នុងការវាយប្រហារគឺរកវិធីប្រមាញ់ទីតាំងនោះឲ្យទាល់តែបាន។ កន្លងទៅក៏មានការ Hack ធំៗជាច្រើនបានផ្ទុះឡើង ជុំវិញរូបិយប័ណ្ណឌីជីថល ហើយក៏បន្តកើតមានទល់សព្វថ្ងៃ។

ជាងនេះទៅទៀតដែលហៅថាជួញដូរតាម Cold Wallet ក៏សំដៅលើការជួញដូរបែបសាមញ្ញដូចជាតាមរយៈ USB ឬ External Hard Drive ធ្វើបែបណាកុំឲ្យភ្ជាប់ទៅកាន់ប្រព័ន្ធអ៊ីនធឺណិតបាន។