ហាងនៅអាមេរិកប្រកាសលក់រថយន្តកំពូល ២ គ្រឿងតាមរយៈ Bitcoin

2018-01-15 01:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងលក់ចែកចាយរថយន្តនៅរដ្ឋ California សហរដ្ឋអាមេរិក បានបង្ហោះលក់រថយន្តទំនើបផុតលេខ ២ គ្រឿងរួមមាន Pagani Huayra និង Bugatti Chiron តាមរយៈកាក់ Bitcoin។ បង្ហោះនៅលើបណ្ដាញសង្គម Instagram តម្លៃរថយន្តទាំង ២ បូកបញ្ចូលគ្នាស្មើនឹង ៦ លានដុល្លារ នៃរូបិយប័ណ្ណឌីជីថល BTC។

គូសបញ្ជាក់ថា Chiron របស់ក្រុមហ៊ុន Bugatti ជារថយន្តមានល្បឿនស្ទុះដាច់គេលំដាប់ទី ៣ ក្នុងលោក ដែលបំពាក់ម៉ាស៊ីន W16 Quad-Turbocharger ចំណុះ ៨.០ លីត្រ អាចផលិតកម្លាំងបាន ១,៤៧៩ សេះ មានទម្ងន់ខ្លួន ១,៩៩៦ គ.ក។ មានល្បឿនអតិបរមា ៤២០ គ.ម/ម៉ ធៀបនឹងម៉ូដែល Pagani Huayra របស់ក្រុមហ៊ុនអ៊ីតាលីមានល្បឿនប្រហែល ៣៧០ គ.ម/ម៉ បំពាក់នូវម៉ាស៊ីន V12 ចំណុះ ៦.០ លីត្រ និងមានទម្ងន់ខ្លួន ១,២១៨ គ.ក។

រូបតំណាង Bugatti Chiron

គូសបញ្ជាក់ថានេះមិនមែនជាលើកដំបូងទេក្នុងការប្រើ Bitcoin សម្រាប់ទិញរថយន្ត ខណៈកន្លងទៅក៏មានក្រុមហ៊ុនជាច្រើនបានប្រកាសលក់រថយន្ត Lamborghini មួយតឹកដោយប្រើប្រាស់រូបិយប័ណ្ណមួយនេះដូចគ្នា រហូតឈានដល់ការលក់ទិញផ្ទះក្នុងប្រទេសអារ៉ាបទៀតផង។ ប៉ុន្តែតម្លៃរបស់វាអាចមានការឡើងចុះ ខុសពីការប្រើប្រាស់លុយធម្មតា អាចថាថ្ងៃនេះអ្នកទិញអស់ ៦ លានដុល្លារ លុះថ្ងៃស្អែកចុះអស់ ១ លានដុល្លារក៏ថាបាន។