ស្ដាប់ការរៀបរាប់របស់មិត្តរួមថ្នាក់ ទើបដឹងថាមេដឹកនាំផ្តាច់ការ គីម ជុងអ៊ុន ជាក្មេងល្អ

2018-01-16 02:25:39
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សនៅទូទាំងពិភពលោកបានស្គាល់ លោក គីម ជុងអ៊ុន ថាជាមេដឹកនាំផ្ដាច់ការរបស់ប្រទេសកូរ៉េខាងជើង ដែលធ្លាប់គំរាមកំហែងបាញ់នុយក្លេអ៊ែរទៅលើសហរដ្ឋអាមេរិក និង បស្ចិមប្រទេសដទៃទៀតផង។

លោក គីម ជុងអ៊ីល (ឆ្វេង) និង លោក គីម ជុងអ៊ុន (ស្តាំ)

ផ្ទុយទៅវិញ នៅអំឡុងចុងទសវត្សឆ្នាំ ១៩៩០ មេដឹកនាំបច្ចុប្បន្នអាយុ ៣៤ឆ្នាំរូបនេះ ត្រូវបានមិត្តភ័ក្ដិនៅសាលាស្គាល់ថាជា ក្មេងល្អម្នាក់ដែលមានគំនិតកំប្លុកកំប្លែង និងជក់ចិត្តខ្លាំងជាមួយកីឡាបាល់បោះ ជាពិសេសនោះគឺជាអ្នកគាំទ្រក្រុមបាល់បោះ Chicago Bulls។

ចាប់ពីឆ្នាំ ១៩៩៨ ដល់ឆ្នាំ ២០០០ លោក គីម ជុងអ៊ុន បានចូលរៀននៅសាលាសាធារណៈ Liebefeld-Steinhölzli នៅក្នុងទីក្រុង Koeniz ប្រទេសស្វីស។ ក្នុងអំឡុងពេលនោះ ខណៈពេលដែលឪពុករបស់លោក គឺ លោក គីម ជុងអ៊ីល បានក្លាយជាមេដឹកនាំរបស់កូរ៉េខាងជើង លោកត្រូវបានមិត្តភ័ក្ដិនៅសាលាហៅឈ្មោះថា Pak Un ដែលជាកូនប្រុសរបស់បុគ្គលិកស្ថានទូតកូរ៉េខាងជើង។

លោក គីម ជុងអ៊ុន កាលនៅពីក្មេង

គួរឲ្យដឹងថា លោក គីម ជុងអ៊ុន បានចូលរៀនថ្នាក់ដែលមិននិយាយភាសាអាល្លឺម៉ង់ នៅពេលលោកចាប់ផ្ដើមចូលរៀននៅទសវត្សឆ្នាំ ១៩៩០។ បើយោងតាមរបាយការណ៍ឆ្នាំ ២០១១ បាននិយាយថា លោកជាមនុស្សចុះសម្រុងនឹងគេ , ល្អិតល្អន់ , ឧស្សាហ៍ព្យាយាម និង មានមហិច្ឆតា។ ចំណង់ចំណូលចិត្តរបស់លោក គឺ បាល់បោះ។

លោក គីម ជុងអ៊ុន និងក្មេងៗ

ជាមួយគ្នានេះ មិត្តភ័ក្ដិរបស់លោកនៅឯសាលារៀន ក៏បានរៀបរាប់ផងដែរថា លោកមានស្បែកជើង Nike ជាច្រើនគូ ហើយបើទោះបីជាលោកមានកម្ពស់ត្រឹមតែ ១,៦៧ម៉ែត្រ និងលើសទម្ងន់ក៏ដោយ តែលោកត្រូវបានគេស្គាល់ថាជាអ្នកលេងបាល់បោះល្អម្នាក់។ លោកជាអ្នកគាំទ្រដ៏ធំមួយរបស់ កីឡាករបាល់បោះ Michael Jordan៕