មិត្តរួមជំនាន់២រូប មិនចាប់អារម្មណ៍ត្រាប់គន្លង អម្ពរ ទេវី

2018-01-16 03:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីសប្ដាហ៍មុន មហាជន ព្រមទាំងសិល្បករចាស់ ក្មេងជាច្រើនបានសម្ដែងកិច្ចស្វាគមន៍ជាអនេកចំពោះការត្រឡប់មកមាតុប្រទេសវិញ ក្រោមបេសកកម្មថតភាពយន្តថ្មីរបស់អ្នកស្រី អម្ពរ ទេវី។ ផលិតករ និងអ្នករួមអាជីពមិនតិចនោះទេ ជឿជាក់ថា វត្តមានអ្នកស្រី នឹងជំរុញឲ្យវិស័យភាពយន្តខ្មែរ ឲ្យរំកិលទៅភាពល្អប្រសើរឡើង ត្បិតកាលពីឆ្នាំ២០១៧ កំពូលតួសម្ដែងស្រីខាងលើ បានធ្វើឲ្យយុវវ័យខ្មែរជំនាន់នេះភ្ញាក់ផ្អើលម្ដងហើយ ក្រោយបង្ហាញខ្លួនក្នុងភាពយន្តរឿង "ទឹកចិត្តម្ដាយសម័យថ្មី"។

ជាមួយការគាំទ្រយ៉ាងសម្បើមចំពោះវត្តមានជាថ្មីរបស់តារាជើងចាស់នេះ បានកើតជាចំណោតមួយថា តើតទៅមុខ នឹងមានសិល្បករជំនាន់អ្នកស្រីត្រលប់មកសម្ដែងវិញទៀតទេ?

ជុំវិញរឿងរ៉ាវនេះ តារារួមជំនាន់២រូបដូចជាអ្នកនាង កែវ កល្យាណ និង សុខ ស្រីមុំ ត្រូវបានទម្លាយថាមិនចាប់អារម្មណ៍វិលចូលសិល្បៈវិញ ដូចអ្នកនាង អម្ពរ ទេវី ឡើយ។

អ្នកនាង កែវ កល្យាណ

អ្នកនាង កែវ កល្យាណ ដែលរស់នៅក្នុងស្រុកនៅឡើយ ធ្លាប់បញ្ជាក់ថាអ្នកស្រីគ្មានអារម្មណ៍វិលមកសម្ដែងវិញទេ តួយ៉ាងអ្នកស្រីបានច្រានចោលការងារសម្ដែងក្នុងភាពយន្តភាគឲ្យទូរទស្សន៍ល្បីៗ ៦រឿងជាបន្តបន្ទាប់ ក្នុងរយៈពេលប៉ុន្មានឆ្នាំចុងក្រោយនេះ ត្បិតអ្នកស្រីយល់ថា ខ្លួនចាស់ហើយ ទើបចង់ទុកឱកាសឲ្យអ្នកជំនាន់ក្រោយដែលសុទ្ធតែពូកែ និងមានទេពកោសល្យ។

អ្នកនាង សុខ ស្រីមុំ

ចំណែកឯអតីតតារាសិចស៊ី សុខ ស្រីមុំ ដែលកំពុងតាំងទីនៅក្នុងប្រទេសមហាអំណាចវិញ ត្រូវបានប្រភពស្និទ្ធស្នាលទម្លាយថា អ្នកស្រីគ្មានថ្ងៃវិលចូលសិល្បៈទេ ព្រោះពេលនេះអ្នកស្រី កំពុងមានជីវិតដ៏រីករាយ និងស៊ីវិល័យ នៅសហរដ្ឋអាមេរិក ម្ល៉ោះហើយមិនមានបំណងវិលចូលប្រឡូកក្នុងវិស័យសិល្បៈម្ដងទៀតឡើយ៕