Mignolet ទម្លាយពាក្យក្នុងចិត្ត ក្រោយត្រូវបានទម្លាក់ក្លាយជាអ្នកចាំទីដៃទី ២ នៅ Liverpool

2018-01-16 14:17:32
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាំទីក្លឹបហង្សក្រហម Simon Mignolet ក្នុងថ្ងៃនេះ បានបង្ហាញពីចំណាប់អារម្មណ៍របស់ខ្លួនមួយចំនួន ក្រោយអ្នកចាត់ការ Jurgen Klopp កាលពីថ្ងៃអាទិត្យបានប្រកាសថា Loris Karius ជាអ្នកដៃទីមួយរបស់ក្លឹប។

កីឡាករបែលហ្សិករូបនេះ បាននិយាយថា៖ បន្ទាប់មានរឿងជាច្រើនបានកើតឡើងក្នុងរដូវកាលនេះ ខ្ញុំបានដឹងយ៉ាងច្បាស់ពីតួនាទីរបស់ខ្ញុំនៅក្លឹប។ Klopp បាននិយាយជាមួយខ្ញុំដោយត្រង់ទាក់ទងនឹងស្ថានភាពហ្នឹង (រឿងអ្នកចាំទីដៃទីមួយ)។ ពិតណាស់ ខ្ញុំមិនសូវសប្បាយចិត្តនឹងការសម្រេចចិត្តរបស់គាត់ទេ តែខ្ញុំត្រូវតែគោរព ព្រោះគាត់ជាអ្នកចាត់ការ។

Mignolet បានបន្ត៖ "ខ្ញុំតែងតែស្ងៀមស្ងាត់នឹងបញ្ហាហ្នឹង។ ទោះជាយ៉ាងណា ខ្ញុំក៏ត្រូវគិតពីអនាគតខ្ញុំដែរ។ ខ្ញុំត្រូវតែខំប្រឹងហាត់ថែម ព្រោះខ្ញុំជិតឈានចូលវ័យ ៣០ឆ្នាំហើយ។ ណាមួយ World Cup នឹងមកដល់នៅខែក្ដៅនេះហើយ ដូច្នេះខ្ញុំត្រូវតែប្រឹងប្រែងឲ្យអស់ពីសមត្ថភាពខ្ញុំ។ ស្ថានភាពនៅជាអ្នកចាំទី បម្រុងបែបនេះ មិនអាចបន្តយូរទៀតបានទេ ចំពោះខ្ញុំ"។

សូមបញ្ជាក់ផងដែរថា ក្រោយឈ្នះ Manchester City ក្នុងលទ្ធផល ៤ ទល់នឹង ៣ កាលពីថ្ងៃអាទិត្យ លោក Klopp បានប្រកាសយ៉ាងច្បាស់ថា នឹងមិនមានការដូរអ្នកចាំទីទៀតទេ ហើយ Karius នឹងបន្តជាអ្នកចាំទីដៃទីមួយរបស់ក្លឹប Liverpool ៕

ប្រភព៖ Goal | 90min ប្រែសម្រួល៖ ហ៊ីម រស្មី