ក្ដៅៗ! ល្បីថា Yonghwa ក្រុម “CNBLUE” ប្រើល្បិចបោកចូលរៀននៅមហាវិទ្យាល័យ

2018-01-17 07:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាវិទ្យាល័យ Kyunghee កំពុងក្លាយជាប្រធានបទដ៏ក្ដៅគគុក បន្ទាប់ពីលេចឮដំណឹងថាសាលានេះបានអនុញ្ញាតឲ្យតារា២រូបចូលរៀនដោយមិនបានឆ្លងកាត់ការប្រឡង។

បើតាមទូរទស្សន៍ SBS បានធ្វើសេចក្ដីរាយការណ៍ពីព័ត៌មានលម្អិតដោយមិនបានបញ្ជាក់ឈ្មោះរបស់តារាល្បីរូបនោះ កាលពីថ្ងៃទី១៦ខែមករានេះថា៖ "សិល្បករល្បីដែលឈ្មោះ A ត្រូវបានទទួលឲ្យចូលរៀនក្នុងមហាវិទ្យាល័យ Kyunghee ក្នុងឆ្នាំ២០១៦។ លោកត្រូវតែឆ្លងកាត់ដំណាក់កាលជាច្រើន រួមទាំងត្រូវយកឯកសារលម្អិតមួយចំនួន ដើម្បីធ្វើការសម្ភាសន៍ ប៉ុន្តែលោកមិនបានធ្វើរឿងទាំងនេះនោះទេ។ ២ខែក្រោយមក ខាងសាលាបានបើកសំណុំឯកសារចាស់សម្រាប់ជាជំនួយដល់ការរៀបចំឯកសារថ្មី។ ដូចលើកមុនដែរ តារារូបនេះមិនបានបង្ហាញខ្លួនសម្រាប់ការសម្ភាសន៍នោះទេ ប៉ុន្តែលើកនេះ លោកត្រូវគេទទួលឲ្យចូលថ្នាក់បញ្ចប់ការសិក្សា"។

ពួកគេក៏បានបញ្ជាក់ដែរថាតារារូបនោះ ជាតារាក្នុងក្រុមចម្រៀងមួយ ហើយជាតួសម្ដែង ក៏ដូចជាពិធីករផងដែរ។ ហើយពួកគេបានបញ្ជាក់ទៀតថា តារាម្នាក់នេះទទួលបានភាពល្បីល្បាញខ្លាំងក្នុងរឿងភាគមួយកាលពីឆ្នាំ ២០០៩។ ក្រោយពីទទួលបានព័ត៌មានច្បាស់ការបែបនេះ មនុស្សទូទៅដាក់ការសង្ស័យច្រើនទៅលើតារាចម្រៀង Yonghwa។ ព័ត៌មានដែលបានរៀបរាប់ទាំងប៉ុន្មានគឺត្រូវនឹងលោក ហើយជាពិសេសនៅឆ្នាំ២០០៩ លោកទទួលបានភាពល្បីល្បាញខ្លាំងក្នុងរឿង “You Are Beautiful”។

ក្រោយមកខាងផលិតកម្ម FNC Entertainment ក៏បានឆ្លើយតបទៅព័ត៌មានទាំងនោះ ហើយទទួលស្គាល់ថា តារាចម្រៀង Yonghwa ពិតជាស្ថិតក្នុងការសួរនាំពិតមែន ប៉ុន្តែពួកគេបានបដិសេធថាលោកមិនមានបំណងធ្វើការបោកប្រាស់ណាមួយដើម្បីបានបញ្ចប់ការសិក្សារបស់លោកនោះទេ។

Yonghwa (ក្រុម CN BLUE)

Kyuhyun (ក្រុម Super Junior)

Zico (ក្រុម Block B)

មុនពេលព័ត៌មានទទួលស្គាល់ថាតារាចម្រៀង Yonghwa ស្ថិតក្រោមការសួរនាំនោះ Kyuhyunសមាជិកក្រុមSuper Juniorនិងសមាជិកក្រុម Block B តារាចម្រៀង Zico ក៏មានឈ្មោះក្នុងចំណោមអ្នកដែលទទួលបានផលប្រយោជន៍ពីកម្មវិធីពិសេសនេះផងដែរ។ ការសង្ស័យនេះផ្ដើមចេញដំបូងពីដំណឹងមិនច្បាស់ការពីសារព័ត៌មាន៕

ប្រភព៖ Koreaboo ប្រែសម្រួល៖ អន សុភក្ត្រា