Wing បានពានលេខ១ ដំបូងគេនៅខ្មែរ ជាធនាគារទូទាត់ចល័តល្អ

2018-01-17 08:21:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ធនាគារឯកទេសវីង (Wing) បានគ្រងតំណែងលេខ១ ក្នុងប្រទេស បន្ទាប់ពីទទួលបានការដាក់ឈ្មោះជា “ធនាគារទូទាត់ចល័តល្អបំផុតនៅកម្ពុជាក្នុងឆ្នាំ២០១៧” (Best Mobile Payment Solutions Cambodia 2017) ក្នុងកម្រិតកិត្យានុភាពនៃពានរង្វាន់ហិរញ្ញវត្ថុ និងធនាគារជាសាកល ដែលរៀបចំដោយទស្សនាវដ្ដី Global Banking & Financial Review។

ក្រៅពីពានដែលទទួលបានដំបូងគេនៅកម្ពុជានេះ Wing ក៏ទទួលបានពានរង្វាន់កិត្តិយស "Most Promising" នៅកម្រិតពានរង្វាន់ធុរកិច្ចអាស៊ានលើកទី១០ ផងដែរ។

លោក Jojo Malolos អគ្គនាយកWing បាននិយាយថា៖ "ពានរង្វាន់នេះមិនត្រឹមតែសម្រាប់ធនាគារប៉ុណ្ណោះទេ ក៏សម្រាប់បុគ្គលិកដែលបានខិតខំប្រឹងប្រែងបម្រើការងារចំពោះអតិថិជនរបស់យើង និងសម្រាប់ប្រទេសជាតិទាំងមូលផងដែរ"។

ផលិតផលថ្មីៗដូចជា កាតឥណទានអន្តរជាតិតាមអនឡាញ (Wing Online Mastercard) និងកាតរថយន្តក្រុង (City Bus Card) ដែលជាផ្នែកមួយជួយការទូទាត់ប្រាក់ទាំងស្រុងព្រមទាំងលុបចោលនៃការមិនប្រើសាច់ប្រាក់នឹងផ្ដល់ឲ្យអតិថិជននូវជម្រើសកាន់តែច្រើន ងាយស្រួល ហើយសាមញ្ញ។

លោក Malolos បានបន្ថែមថា៖ "ដំណោះស្រាយសេវាទូទាត់ចល័តរបស់យើងបានបើកទ្វារចំហដល់ពិភពលោកដែលកន្លងមកពិបាកនឹងសម្រេចបាននៅកម្ពុជា ពីការផ្ទេរសាច់ប្រាក់ទៅលើការទូទាត់វិក្កយបត្រ"។

Wing ផ្ដល់ភាពងាយស្រួល និងប្រសិទ្ធភាពជាមួយការផ្ទេរប្រាក់ ការទូទាត់វិក្កយបត្រ រួមជាមួយសេវាកម្មដូចជា៖

ភាពជាដៃគូយុទ្ធសាស្ត្រទូទាត់ជាង ២ ០០០ មកពីវិស័យជាច្រើនរួមមាន សាលារៀន សំណង់ ធនាគារ អ្នកផ្គត់ផ្គង់អាហារ លក់រាយ អ៊ីនធឺណិត...។
ភាពជាដៃគូពាណិជ្ជកម្មជាង ៦ ០០០ មាននៅទូទាំងប្រទេសដូចជា ភោជនីយដ្ឋាន ហាងកាហ្វេ ហាងលក់រាយ និងពាណិជ្ជកម្មជាច្រើន ដែលបញ្ចុះតម្លៃដល់ ៥០% ។
មានភ្នាក់ងារជាបណ្ដាញទូទាំងប្រទេសជាង ៥ ០០០កន្លែង។
កម្មវិធី Wing បម្រើជូន ២៤ម៉ោងក្នុង ១ថ្ងៃ ៧ថ្ងៃក្នុងមួយសប្ដាហ៍ ៣៦៥ថ្ងៃ ក្នុង១ឆ្នាំ។
កាតរថយន្តក្រុង
កាតឥណទានអន្តរជាតិតាមអនឡាញ (Wing Online Mastercard)
សេវាផ្ទេរប្រាក់អន្តរជាតិជាង ៥០ប្រទេស៕