Sanchez នឹងមានប្រាក់អាទិត្យច្រើនជាង Kane ៤ដង ប្រសិនទៅ Man Utd

2018-01-18 03:01:01
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester United បានយល់ព្រមរួចរាល់ឲ្យ Alexis Sanchez ក្លាយជាកីឡាករទទួលថ្លៃនឿយហត់ច្រើនជាងគេក្នុងក្លឹបនិងក្នុងប្រវត្តិសាស្ត្រPremier League ប្រសិនគេមក Old Trafford។

បិសាចក្រហមនឹងចំណាយ២០លានផោនទៅ Arsenal ដើម្បីយកកីឡាករឈីលីខាងលើ និងផ្ដល់១៥លានផោនផ្សេងទៀតទៅលោក Fernando Felicevich ដែលជាភ្នាក់ងាររបស់ Sanchez។ ប្រសិនជាអាចចូលរួមនឹង United កីឡាករមិនសូវខ្ពស់វ័យ២៩ឆ្នាំនឹងទទួលបានថ្លៃពលីកម្ម៤៥ម៉ឺនផោនក្នុងមួយសប្ដាហ៍ ដែលចំនួននេះច្រើនជាងប្រាក់អាទិត្យ Harry Kane ៤ដងឯណោះ។

ទោះបីជាកាត់ពន្ធរួចរាល់ក្ដី Sanchez ក៏នៅអាចទទួលបានជាង១លានផោនក្នុង១ខែដែរ។ ក្នុងការចរចា Man Utd ព្រមផ្ដល់កុងត្រាដល់ Sanchez ដល់ទៅ៤ឆ្នាំកន្លះ។ បើគិតពីចំណូលក្នុង៤ឆ្នាំកន្លះនេះខ្សែប្រយុទ្ធរបស់ Arsenal បច្ចុប្បន្ននឹងទទួលបាន១៧០ផោន។ យ៉ាងណាក្ដី ពេលនេះទាំង Man Utd និង Arsenal កំពុងស្ថិតក្នុងចំណុចចរចា ពេលប្រកាសជាផ្លូវការ Sabay នឹងផ្ដល់ជូនព័ត៌មានបន្ថែមទៀត៕