ជនឆ្មក់ម្នាក់ជាប់ចោទពីបទគំរាមសម្លាប់ Taylor Swift និងគ្រួសារ

2018-01-19 02:20:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនឆ្មក់តាមតារាចម្រៀង Taylor Swift ម្នាក់អាចនឹងត្រូវមានទោស ក្រោយព្រះរាជអាជ្ញាបានរកឃើញអ៊ីមែលរបស់បុរសម្នាក់នោះបានសរសេរគំរាមសម្លាប់តារាចម្រៀងរូបនេះ និងគ្រួសារ។

នៅក្នុងខែវិច្ឆិកា ឆ្នាំ២០១៦ បុរសរស់នៅរដ្ឋ Texas ម្នាក់ឈ្មោះ Frank Andrew Hoover ត្រូវបានឃាត់ខ្លួននៅពេលដែលលោកបានព្យាយាមបំពានច្បាប់ដែលនៅតែតាមរំខានតារារូបនេះ បន្ទាប់ពីលោកបានឆ្មក់តាមដាននាងនៅក្នុងការប្រគំតន្ត្រីមួយក្នុងកម្មវិធី Formula 1 race កាលពីខែតុលា។

ប៉ូលិសក៏បានបញ្ជាក់ដែរថា បុរសរូបនេះបានផ្ញើអ៊ីមែលជាបន្តបន្ទាប់ទៅកាន់ឪពុករបស់នាង គឺលោក Scott Swift ចាប់តាំងពីខែសីហា រហូតដល់ថ្ងៃទី ២៧ ខែតុលា។

លោក Hoover ត្រូវបានជាប់ទោសពាក់ព័ន្ធនឹងការតាមឆ្មក់រំខាន និងព្យាយាមបំពានបទបញ្ជាក្រោយពេលព្រះរាជអាជ្ញានិយាយថាពួកគេបានរកឃើញអ៊ីមែលដែលលោកបានផ្ញើទៅកាន់ឪពុករបស់តារាចម្រៀងTaylor Swift ចន្លោះពីខែឧសភា ឆ្នាំ២០១៦ និងខែតុលាក្នុងឆ្នាំដដែលនេះ។ ក្នុងអ៊ីមែលនោះលោកបានសរសេរគំរាមសម្លាប់តារាចម្រៀងស្រីរូបនេះ និងក្រុមគ្រួសារនាងទាំងអស់។ នេះបើតាមសេចក្ដីរាយការណ៍ពីវិបសាយ Fox News និង TMZ កាលពីថ្ងៃព្រហស្បតិ៍។