លេចធ្លាយមូលហេតុគួរឲ្យភ្ញាក់ផ្អើល ដែលកូរ៉េខាងជើងសម្រេចបង្កើតអាវុធនុយក្លេអ៊ែរ

2018-01-22 07:15:18
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំកូរ៉េខាងជើង លោក គីម ជុងអ៊ុន ត្រូវបានគេហៅថា ឆ្កួត , ព្រៃផ្សៃ , មិនសមហេតុផល និង បុរសរ៉ុកកែត ដោយសារតែការបង្កើតអាវុធនុយក្លេអ៊ែរ និងមីស៊ីលដែលមានសមត្ថភាពអាចបាញ់ដល់សហរដ្ឋអាមេរិក។

ផ្ទុយទៅវិញ អ្នកឯកទេសនិយាយថា លោក គីម ជុងអ៊ុន មិនមែនឆ្កួតចង់បានអាវុធនុយក្លេអ៊ែរដោយគ្មានហេតុផលនោះទេ។ ម្យ៉ាងទៀត លោក គីម ជុងអ៊ុន មិនចាំបាច់ត្រូវការអាវុធនុយក្លេអ៊ែរ ដោយសារតែបំណងប្រាថ្នាដើម្បីប្រើពួកវាទៅលើសហរដ្ឋអាមេរិក ឬប្រទេសណាមួយផ្សេងទៀតឡើយ។

លោក Jeffrey Lewis អ្នកឯកទេសគោលនយោបាយនុយក្លេអ៊ែរ នៅឯវិទ្យាស្ថាន Middlebury Institute of International Studies នៅទីក្រុង Monterey រដ្ឋ California សហរដ្ឋអាមេរិក បានប្រាប់គេហទំព័រ Business Insider ថា "លោក គីម មិនមែនជាមនុស្សឆ្កួតទេ។ លោកបានពង្រឹងលើការគ្រប់គ្រងប្រទេស តាមរបៀបដ៏មានប្រសិទ្ធភាព និងគ្មានមេត្តា" ។

លោក Jeffrey បានបន្ថែមថា «លោក គីម គ្រាន់តែមានឆន្ទៈធ្វើរឿងដ៏គួរឲ្យភ័យខ្លាច ដើម្បីការពារខ្លួនឯងប៉ុណ្ណោះ។ បើខ្ញុំជា លោក គីម ជុងអ៊ុន វិញ ខ្ញុំក៏ចង់បានអាវុធនុយក្លេអ៊ែរដែរ»។

នៅចុងបញ្ចប់ លោក Jeffrey ក៏បានបញ្ជាក់ថា លោក គីម ជុងអ៊ុន ទំនងជាចង់បានអាវុធនុយក្លេអ៊ែរ ដើម្បីទប់ស្កាត់ការឈ្លានពានរបស់អាមេរិក ពីព្រោះលោក គីម មិនទុកចិត្តលើប្រទេសមួយនេះឡើយ។ ការទទួលបានអាវុធនុយក្លេអ៊ែរ នឹងផ្ដល់ឲ្យប្រទេសកូរ៉េខាងជើង នូវឱកាសការទូតដែលមានលក្ខណៈស្រដៀងនឹងប្រទេសចិនក្នុងអំឡុងសង្គ្រាមត្រជាក់។ ប៉ុន្តែ លោក គីម ក៏អាចធ្វើឲ្យប្រទេសរបស់ខ្លួនដើរខុសផ្លូវដែរ ដោយសារតែអាវុធនុយក្លេអ៊ែរនេះ៕

ចុចអាន៖

ប្រភព៖ Businessinsider ប្រែសម្រួល៖ សេង ឡុង