ហួសចិត្ត! ទាហានកូរ៉េខាងជើង ប្លន់អាហារពីអ្នកភូមិ ក្រោយ គីម ជុងអ៊ុន កាត់បន្ថយរបប (វីដេអូ)

2018-01-24 02:57:34
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍មួយពីប្រព័ន្ធផ្សព្វផ្សាយរបស់កូរ៉េខាងត្បូង បានឲ្យដឹងថា អ្នកភូមិនៅខេត្ត Ryanggang ប្រទេសកូរ៉េខាងជើងបានបង្ហាញការតស៊ូយ៉ាងខ្លាំងខ្លាប្រឆាំងនឹងទាហានរបស់លោក គីម ជុងអ៊ុន ដែលបានប្លន់ស្បៀងអាហាររបស់ពួកគេ។

តាមរយៈការដាក់ទណ្ឌកម្មថ្មីៗពីអន្តរជាតិ រួមទាំងការប្រមូលផលដំណាំមិនបានល្អទៀតនោះ, រដ្ឋាភិបាលកូរ៉េខាងជើង ត្រូវបានគេរាយការណ៍ថា បានកាត់បន្ថយរបបចំណីអាហាររបស់ទាហាន ដែលជាហេតុជំរុញឲ្យពួកគេ មានការស្រេកឃ្លាន និងទៅប្លន់អាហារពីប្រជាជន។

យោងតាមសារព័ត៌មាន Daily NK ឲ្យដឹងថា ការលួចប្លន់អាហារនេះ កើតឡើងដោយសារតែជម្លោះរវាងកសិករ ជាមួយនឹងទាហានកូរ៉េខាងជើង ដែលបណ្ដាលមកពីកសិករមិនអាចផ្ដល់របបគ្រប់គ្រាន់ដល់ពួកគេ ដោយសារតែការប្រមូលផលមិនបានល្អកាលពីឆ្នាំមុន។

ចំណែកឯ ប្រភពមួយទៀតមកពីខេត្ត Hamgyong ក៏បានអះអាងដែរថា ឆ្នាំនេះមានភាពលំបាកសម្រាប់ពួកគេ ដោយសារតែការប្រមូលផលមិនល្អ។ លុយសម្រាប់ទិញសម្ភារៈកសិកម្ម ឬជីកសិកម្ម ត្រូវបានបង្វែរយកទៅទិញម្ហូបអាហារ និងរបស់របរផ្សេងៗសម្រាប់ទាហានកូរ៉េខាងជើង៕

សូមទស្សនាវីដេអូខាងក្រោម ៖