សោកស្ដាយ! តួសំខាន់ម្នាក់ក្នុងរឿងតុក្កតា "Teletubby" ទទួលមរណភាពហើយ

2018-01-24 05:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង ដែលតែងដើរតួជាតុក្កតា Tinky Winky បានទទួលមរណភាពហើយនៅអាយុ ៥២ឆ្នាំដោយសាររោគាពាធ។

លោក Simon Shelton Barnes ដែលភាគច្រើនស្គាល់ថាជាតួអង្គតុក្កតា Teletubby ពណ៌ស្វាយបានស្លាប់ហើយ កាលពីថ្ងៃទី ២២ ខែមករាម្សិលមិញ ដោយសារ Hypothermia ឫចុះកម្ដៅខ្លាំងពេក (Hypothermia ជាប្រភេទជំងឺដែលធ្វើឲ្យមនុស្សចុះកម្ដៅខ្លាំងពេក ស្របពេលអាកាសធាតុត្រជាក់មិនធម្មតា) ក្រោយពីដួលសន្លប់លើផ្លូវមួយកន្លែងក្នុងទីក្រុង Liverpool។ នេះបើតាមអ្វីដែលមិត្តភ័ក្ដិរបស់លោកបញ្ជាក់។

ព័ត៌មាននៃការបាត់បង់តារាប្រុសរូបនេះ បង្កឲ្យមានការសោកស្ដាយ និងរន្ធត់ចិត្តគ្រប់ៗគ្នា ពីគ្រួសារ មិត្តភ័ក្ដិ ពិសេសអ្នកគាំទ្រតុក្កតាTinky-Winky។ Simon គឺជាមនុស្សល្អម្នាក់ មិនត្រឹមតែមានរូបរាងស្រស់សង្ហា ប៉ុន្តែលោកមានចិត្តល្អ និងតែងទទួលបានក្ដីស្រឡាញ់រាប់អាន ពីមនុស្សគ្រប់គ្នា។

រម្លឹកកាលពីមុនក្លាយជា តួតុក្កតាដ៏ល្បីនេះ Simon ធ្លាប់បានហាត់រៀនរាំរបាំបាឡេ និងជាគ្រូបង្ហាត់រាំម្នាក់។

រឿងតុក្កតា "Teletubby" មានការពេញនិយមទស្សនាខ្លាំងពីសំណាក់ ទស្សនិកជនជុំវិញពិភពលោក កាលពីជិត ២០ឆ្នាំមុន។ បច្ចុប្បន្នវាក៏នៅតែជាតុក្កតា ដែលមានការគាំទ្រ ស្របពេលរដូវកាលថ្មីលេចរូបរាងជាហូរហែ៕

ប្រភព៖ Dailymail ប្រែសម្រួល៖ យី សុធារី