វ៉ាហេទ និង ចាន់ណា ឈ្នះពានប្រជាប្រិយ ស្របពេល មុន្នីឧត្តម ឈ្នះពានកីឡាករឆ្នើម

2018-01-25 13:07:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់លើផ្នែកកីឡាបាល់ទាត់ប្រចាំឆ្នាំ២០១៧ត្រូវបានប្រកាសជាផ្លូវការមុននេះបន្តិចដោយគណៈកម្មការប្រកួតបាល់ទាត់ជាតិកម្ពុជា (CNCC)នៃសហព័ន្ធកីឡាបាល់ទាត់កម្ពុជា។

ខ្សែបម្រើកណ្តាល ច្រឹង ពលរដ្ឋ របស់ក្លឹបក្រសួងការពារជាតិបានឈ្នះពានរង្វាន់កីឡាករឆ្នើម (MVP)ប្រចាំព្រឹត្តិការណ៍លីគបាល់ទាត់កំពូលកម្ពុជា ខណៈខ្សែបម្រើប្រយុទ្ធ ប្រាក់ មុន្នីឧត្តម របស់ព្រះខ័នរាជស្វាយរៀង ឈ្នះពានរង្វាន់កីឡាករឆ្នើម (MVP)ប្រចាំព្រឹត្តិការណ៍ Hun Sen Cup។

ចំណែកពានរង្វាន់កីឡាករប្រិយបំផុតបានទៅកីឡាករខ្សែការពាររបស់បឹងកេត លី វ៉ាហេទ ដែលជាទូតសុឆន្ទៈរបស់ CLEAR និងពានរង្វាន់គ្រូបង្វឹកប្រជាប្រិយបំផុតបានទៅលោក មាស ចាន់ណា ដែលជាគ្រូបង្វឹករបស់ណាហ្គាវើល។ ចំពោះពានរង្វាន់រូបថតកីឡាបាល់ទាត់ល្អបំផុតបានទៅអ្នកថតរូបឈ្មោះ សឿន សាយន្តសន្យា។ ពានរង្វាន់ទាំង៣នេះជាការសម្រេចរបស់អ្នកគាំទ្រតាមរយៈការបោះឆ្នោតលើផេក។

ពានរង្វាន់សម្រាប់ Hun Sen Cup 2017

ក្រុមជើងឯក៖ ព្រះខ័នរាជស្វាយរៀង
ក្រុមជើងឯករង៖ ណាហ្គាវើល
ក្រុមលេខ៣៖ អគ្គិសនីកម្ពុជា
ក្រុមលេខ៤៖ បឹងកេត
ក្រុម Fair Play៖ បឹងកេត
កីឡាកររកគ្រាប់បាល់ច្រើនបំផុត៖ ឃួន ឡាបូរ៉ាវី មកពីបឹងកេត
អ្នកចាំទីល្អ៖ អោម ឧត្តម មកពីព្រះខ័នរាជស្វាយរៀង
កីឡាករល្អ (MVP)៖ ប្រាក់ មុន្នីឧត្តម មកពីព្រះខ័នរាជស្វាយរៀង
គ្រូបង្វឹកល្អ៖ សុំ វ៉ាន់ដេត
ក្រុមអាជ្ញាកណ្តាល៖ លោក ជី សាមឌី, លោក ស៊ុន តារាវុធ, លោក ជី សុភាព និងលោក សំាង សុភ័ក្រ។

ពានរង្វាន់សម្រាប់លីគបាល់ទាត់កំពូលកម្ពុជា

ក្រុមជើងឯក៖ បឹងកេត
ក្រុមជើងឯងរង៖ ក្រសួងការពារជាតិ
ក្រុមលេខ៣៖ ព្រះខ័នរាជស្វាយរៀង
ក្រុមលេខ៤៖ ណាហ្គាវើល
ក្រុម Fair Play៖ មជ្ឈមណ្ឌលកម្ចាត់មីនកម្ពុជា
កីឡាកររកគ្រាប់បាល់ច្រើនបំផុត៖ Atheire Kipson មកពីណាហ្គាវើល
អ្នកចាំទីល្អ៖ ស៊ូ យ៉ាទី មកពីបឹងកេត
កីឡាករល្អ (MVP)៖ ច្រឹង ពលរដ្ឋ មកពីក្រសួងការពារជាតិ
គ្រូបង្វឹកល្អ៖ ហៅ សុជាតិ មកពីគ្រូបឹងកេត
ក្រុមអាជ្ញាកណ្តាល៖ លោក ឃួន វីរៈ, លោក ស៊ុន ច័ន្ទភារិទ្ធ, លោក ហេង សុខលី និងលោក លីម ប៊ុនធឿន។

ពានរង្វាន់សំខាន់ផ្សេងទៀត កីឡាករ លី វ៉ាហេទ ឈ្នះពានកីឡាករប្រជាប្រិយបំផុត លោកគ្រូ មាស ចាន់ណា ឈ្នះពានគ្រូបង្វឹកប្រជាប្រិយបំផុត អ្នកគាំទ្រ ប៊ីវ តុលា ឈ្នះពានអ្នកគាំទ្រល្អបំផុត អ្នកថតរូប សឿន សាយន្តសន្យា ឈ្នះពានរូបថតបាល់ទាត់ល្អបំផុត