ផ្សារធំមួយនៅថៃនឹងឈប់ចាយលុយក្រដាស ដោយប្រើទូរសព្ទជំនួសវិញ
- 2018-01-27 09:31:51
- ចំនួនមតិ 0 | ចំនួនចែករំលែក 0
ផ្សារធំមួយនៅថៃនឹងឈប់ចាយលុយក្រដាស ដោយប្រើទូរសព្ទជំនួសវិញ
ចន្លោះមិនឃើញ
អង្គភាពផ្លូវដែកនៃប្រទេសថៃ (SRT) គ្រោងនឹងធ្វើឲ្យផ្សារ Chatuchak (ចតុចាក់) នាទីក្រុងបាងកក ក្លាយជាតំបន់ដែលមិនចាយលុយក្រដាសចាប់ពីខែមិថុនា ឆ្នាំ ២០១៨ នេះ។
ការមិនចាយលុយក្រដាសនេះជាផ្នែកមួយនៃគម្រោងការផ្លាស់ប្ដូរ "4.0” របស់ផ្សារ ដោយក្នុងនោះមានប្រព័ន្ធចតរថយន្តស្វ័យប្រវត្តិដែលនឹងដាក់ឲ្យប្រើប្រាស់នៅចុងឆ្នាំនេះ។ អនាគតនៃការមិនចាយលុយក្រដាសរបស់ផ្សារ Chatuchak នឹងអនុញ្ញាតឲ្យអ្នកទិញទំនិញទូទាត់តាមរយៈការប្រើកាត ឬ តាមការស្កេន QR Code លើស្មាតហ្វូន។
ការផ្លាស់ប្ដូរនេះទៀតសោត គឺបន្ថែមពីលើកម្មវិធីទូរសព្ទណែនាំនាពេលបច្ចុប្បន្ន Chatuchak Guide ដែលអាចបង្ហាញអ្នកទិញពីទីតាំងរបស់ហាងលក់ ដោយចែកចេញជាប្រភេទទំនិញ និងការកម្រិតវាយតម្លៃនៃហាង (Rating)។ ការអភិវឌ្ឍន៍នេះនឹងធ្វើឲ្យភ្ញៀវទេសចរកាន់តែងាយស្រួលដើរផ្សារ។
SRT ក៏គ្រោងនឹងចំណាយជាង ១០០ លានបាត (ជាង ៣ លានដុល្លារ) ដើម្បីកែប្រែមុខមាត់ផ្សារ Chatuchak ដោយដំបូងចាប់ផ្ដើមពីប្រព័ន្ធចតរថយន្តស្វ័យប្រវត្តិ ដែលគ្រោងចំណាយ ៤០ លានបាត (ប្រមាណ ១,២៧ លានដុល្លារ) ដើម្បីផលិត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
