ក្រុមចម្រៀង B1A4 ជួបឧប្បត្តិហេតុគ្រោះថ្នាក់ចរាចរណ៍

2018-01-28 05:16:40
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុមចម្រៀង B1A4 ទាំង៥នាក់ត្រូវបានគេបញ្ជូនទៅមន្ទីរពេទ្យជាបន្ទាន់ ដោយសារជួបឧប្បត្តិហេតុគ្រោះថ្នាក់ចរាចរណ៍កាលពីម្សិលមិញ។

យោងទៅតាមប្រភពជាច្រើនបានឲ្យដឹងថា ពួកគេបានធ្វើដំណើរទៅកាន់ការប្រគំតន្ត្រីមួយឈ្មោះ ICON Concert ដែលធ្វើឡើងដើម្បីអបអរការមកដល់នៃការប្រារព្ធកម្មវិធីកីឡាអូឡាំពិកឆ្នាំ ២០១៨ ដែលនឹងធ្វើឡើងនៅទីក្រុងព្យុងឆាង។ អស់រយៈពេលប៉ុន្មានម៉ោងបន្ទាប់ពីគ្រោះថ្នាក់ ផលិតកម្ម WM Entertainment ក៏បានបញ្ចេញសេចក្ដីថ្លែងការមួយទាក់ទងនឹងគ្រោះថ្នាក់នេះ។

នេះជាសេចក្ដីថ្លែងការរបស់ផលិតកម្ម៖

“សួស្ដី, នេះជាផលិតកម្ម WM Entertainment។ ដំបូង យើងសុំទោសដោយសារតែចំណាយពេលយូរ ដើម្បីផ្ដល់ដំណឹងដល់អ្នកទាំងអស់គ្នា។ កាលពីថ្ងៃទី ២៧ ក្រុមចម្រៀង B1A4 បានជួបគ្រោះថ្នាក់ចរាចរណ៍ ខណៈពេលពួកគេធ្វើដំណើរទៅចូលរួម ICON Concert។

វាគឺជាគ្រោះថ្នាក់ភ្លាមៗមួយ ដូច្នេះហើយ ទើបពួកយើងចំណាយពេលយកចិត្តទុកដាក់នឹងពួកគេជាមុន ទើបពួកយើងអាចផ្ដល់ព័ត៌មាន ដល់អ្នករាល់គ្នាបន្ទាប់ពីពួកគេទទួលបានការពិនិត្យរួចរាល់ពីវេជ្ជបណ្ឌិត។ ពួកយើងសុំទោសម្ដងទៀត ចំពោះការពន្យារពេល។

ឥឡូវនេះ B1A4 បានពិនិត្យសុខភាពនិងព្យាបាលរួចរាល់ហើយ ដោយបានទទួលការព្យាបាលមុខរបួសខ្លះៗ និងការឈឺចាប់សាច់ដុំ។ ពួកគេកំពុងតែសម្រាកដោយសុវត្ថិភាពក្រោយការព្យាបាល ហើយផលិតកម្ម WM Entertainment នឹងប្ដេជ្ញាចិត្តថានឹងយកចិត្តទុកដាក់ទៅលើសុវត្ថិភាពរបស់ពួកគេឲ្យបានដិតដល់។

ជាលើកចុងក្រោយ ពួកយើងក៏សុំទោសទៅដល់អ្នកគាំទ្រទាំងអស់ដែលបានរងចាំ ទស្សនាការសម្ដែងរបស់ B1A4 នៅកម្មវិធី ICON Concert៕"