ចង់ទិញកុំព្យូទ័រកុំឲ្យខាតលុយ ត្រូវដឹងទំហំ RAM ប៉ុណ្ណាសិន

2018-01-29 01:41:20
ចំនួនមតិ 0 | ចំនួនចែករំលែក 0

ចន្លោះមិនឃើញ

RAM ឬពាក្យពេញ Random Access Memory ជាផ្នែករឹងដ៏សំខាន់មួយក្នុងម៉ាស៊ីនកុំព្យូទ័រ។ ប៉ុន្តែទំហំ RAM ប៉ុណ្ណាដែលសាកសមនឹងអ្នក ស្របពេលបច្ចុប្បន្នជាមធ្យម RAM ដែលគេប្រើមានចាប់ពីចន្លោះ 4GB ទៅដល់ 16GB?

+អ្វីទៅជា RAM:

មនុស្សជាច្រើនមានការភ័ន្តច្រឡំរវាង RAM ធៀបទៅនឹង SSD ឬ Hard Disk នោះជាកំហុសដ៏ធ្ងន់ធ្ងរ។ វាជាទីតាំងរក្សាទុកទិន្នន័យបណ្តោះអាសន្ន ក្នុងពេលកុំព្យូទ័រដំណើរការ ហើយនឹងបាត់ទៅវិញនៅពេលយើងបិទម៉ាស៊ីន។

រូបតំណាង RAM

មិនខុសពីតុមូលមួយ បើអ្នកទិញតុមកកាន់តែធំ អ្នកនឹងអាចរក្សាទុករបស់របរប្រើប្រាស់នៅលើនោះបានច្រើន ផ្ទុយទៅវិញបើវាមានទំហំតូចយើងអាចទុកដាក់បានមួយផ្នែកតូចប៉ុណ្ណោះ ម្ល៉ោះ RAM ក៏ដូចគ្នា បើទំហំ Gigabyte កាន់តែធំ វានឹងអាចដំណើរការកម្មវិធីបានច្រើននិងរលូនក្នុងពេលតែមួយ ប៉ុន្តែត្រូវសួរថាតើ RAM ប៉ុណ្ណា ល្មមនឹងការប្រើប្រាស់ ហើយទិញមកមិនខាតលុយ?

+ទំហំ RAM ដែលត្រូវជ្រើសរើស:

2GB: ជាទូទៅមានតែក្នុងថេបប្លែត ប៉ុន្តែបើមានលើកុំព្យូទ័រឬ Laptop បច្ចុប្បន្ននៅសល់តិចតួចបំផុត (មិនគួរទិញមកប្រើប្រាស់)
4GB: ជាកម្រិតមធ្យម ដែលមានល្បឿនដំណើរការសមស្របល្មមសម្រាប់អ្នកប្រើត្រឹម Microsoft Office ក្នុងការបំពេញការងារការិយាល័យ ឬកាត់តរូបភាពក្នុង Photoshop ធម្មតា
8GB: ល្អបំផុតសម្រាប់អ្នកប្រើ Windows និង MacOS ដែលនិយមចូលចិត្តលេងហ្គេម ហើយក៏អាចគាំទ្របានសឹងគ្រប់កម្មវិធីក្នុងពេលបច្ចុប្បន្ន
16GB: ប្រើសម្រាប់អ្នកធ្វើការងារអាជីពនៅផ្នែកបច្ចេកវិទ្យា និងអ្នកចូលចិត្តលេងហ្គេមធំៗ
32GB ឬខ្ពស់ជាងនេះ: សម្រាប់បំពាក់ក្នុងម៉ាស៊ីនធ្វើការនៅស្ថានីយធំៗ

បែបនេះហើយ Sabay ណែនាំឲ្យអ្នកមានបំណងទិញកុំព្យូទ័រគួរសម្រេចចិត្តតែរវាង RAM 4GB ឬ 8GB ទៅតាមគោលបំណងប្រើប្រាស់ បើអ្នកទិញយកមកធ្វើការងារការិយាល័យគួរយក 4GB ហើយបើចង់មានបំណងលេងហ្គេមនិងធ្វើការលើផ្នែករចនាឬកាត់តវីដេអូ ពិតណាស់ដែល 8GB សមល្មម ហើយគួរទុកថវិកាដែលនៅសល់ ទៅពង្រឹងលើល្បឿន CPU ឬប្រភេទកាតក្រាហ្វិកល្អជាជាង។

ប្រភព៖ DigitalTrends ប្រែសម្រួល៖ កៅ រក្សា

ពាក្យទាក់ទង

គន្លឹះខ្លីៗលើកុំព្យូទ័រ ចំណេះដឹងបច្ចេកវិទ្យា កៅ រក្សា

អត្ថបទពេញនិយម

ប្រាសាទ ដាវីន បានបង្កើតប្រវត្តិសាស្ត្រជាមាតាទីមួយគ្រងមកុដបវរកញ្ញាចក្រវាលកម្ពុជាឆ្នាំ ២០២៤

Haaland, Mbappe, Salah ល្បីសាហាវតែមើលប្រាក់ខែចាញ់ម្នាក់នេះទៅវិញ

ផ្ទុះការរិះគន់អក្សរចិនលើស្លាកហាងគ្មានអក្សរខ្មែរ មន្ត្រីថាបានចុះណែនាំដែរ តែគេមិនស្តាប់

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

រថយន្តអគ្គិសនី Maxus Mifa9 សម្រេចបាននូវសម្ធិទផលលក់ដាច់ជាខ្លាំងលើសរថយន្ត Toyota Alphard នៅហុងកុង និងប្រទេសថៃ

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

អូ គូលែន និងអ្នកនាង សុភ័ក្រ កុសុម៉ា បានក្លាយជាដៃគូសហការណ៍ ដើម្បីលើកកម្ពស់ការរស់នៅប្រកបដោយសុខុមាលភាព

ក្រុមតារាចម្រៀង Twice នឹងចូលរួមជាភ្ញៀវកិត្តិយស ក្រុមColdplay សម្រាប់ការប្រគុំតន្ត្រីរយៈពេល 6 ថ្ងែនៅកូរ៉េ

ធនាគារ វីង គាំទ្រកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៨

មុនប៉ះគ្នាយប់នេះ Xabi Alonso និយាយបែបនេះទៅកាន់កន្លែងដែលខ្លួនធ្លាប់រស់នៅ

CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ