៣ រឿងគួរឲ្យចាប់អារម្មណ៍ខ្លាំងនៅ Thai Fight កាលពីចុងសប្ដាហ៍
- 2018-01-29 07:38:05
- ចំនួនមតិ 0 | ចំនួនចែករំលែក 0
៣ រឿងគួរឲ្យចាប់អារម្មណ៍ខ្លាំងនៅ Thai Fight កាលពីចុងសប្ដាហ៍
ចន្លោះមិនឃើញ
Thai Fight Bangkok បានរៀបចំយ៉ាងជោគជ័យកាលពីថ្ងៃសៅរ៍ចុងសប្ដាហ៍កន្លងទៅ។ វាជាកម្មវិធីពិសេសដោយក្នុងនោះមានការប្រកួតផ្ដាច់ព្រ័ត្រយកខ្សែក្រវាត់ Thai Fightដល់ទៅ៣ប្រភេទទម្ងន់ដូចជា៦៧គក, ៧០គក និង៧២,៥គក។ ពេលនេះសូមបង្ហាញរឿងរ៉ាវគួរឲ្យចាប់អារម្មណ៍៣ចំណុចក្នុងព្រឹត្តិការណ៍មួយនេះ។
១. ម្ចាស់ខ្សែក្រវាត់
ឃើញថាខ្សែក្រវាត់ Thai Fightដល់ទៅ៣ប្រភេទទម្ងន់បានទៅលើកីឡាករមកពីក្លឹបប្រដាល់ PK Saenchai MuayThaiGym ទាំងអស់ក្នុងនោះ៖
Saenchai បានផ្ដួលកីឡាករប្រេស៊ីល Henrique Muller ឲ្យសន្លប់ទឹក៣ (៦៧គក)
Saensatharn ឈ្នះពិន្ទុកីឡាករអ៊ូបេគីស្ថាន Naimjon Tuhtaboyev (៧០គក)
Chanajon វាយ Saiyok Pumpanmuang ឲ្យសន្លប់ទឹកពីរ (៧២,៥គក)
២. Chanajon និង Saiyok
ជោគជ័យដ៏វិសេសវិសាលរបស់ Chanajon គឺជាក្ដីប្រាថ្នាសងសឹកបានសម្រេច។ ក្នុងការប្រកួតថ្ងៃសៅរ៍ Chanajon បានកាប់ចានមួយទំហឹងចំកញ្ចឹងកធ្វើឲ្យ Saiyok វង្វេងបាត់ស្មារតីងើបលែងរួច។ កាល២០១៤ អ្នកទាំងពីរធ្លាប់ជួបគ្នាម្ដងហើយនៅសង្វៀន Thai Fight នេះឯង គ្រានោះ Saiyok បានបត់កែងចូលថ្គាម Chanajon ធ្វើឲ្យវង្វេងសឹងរកផ្ទះមិនឃើញ។
៣. Saenchai
ជ័យជម្នះលើកីឡាករប្រេស៊ីល ជាការឈ្នះលើកទី៣៤ជាប់គ្នា ក្នុងរយៈពេលប៉ុន្មានឆ្នាំចុងក្រោយរបស់កីឡាករមកពីខេត្ត Maha Sarakham៕