នាយចឺម និងបងធម៌ បង្ហាញវត្ថុសក្ដិសិទ្ធិ សរុបតម្លៃក្បែរម៉ឺនដុល្លារ

2018-01-31 02:18:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងថ្ងៃគម្រប់ខួបសម្បថ១ឆ្នាំ នៃការប្រកាសយកគ្នាបងប្អូនធម៌កាលពីយប់មិញនេះ នាយចឺម និង ឈុន សុវណ្ណភក្ដី បានបង្ហាញខ្លួនជាមួយគ្រឿងអលង្ការធ្វើពីវត្ថុសក្ដិសិទ្ធិម្នាក់១ឈុត ដែលសរុបតម្លៃគឺរហូតដល់ជិត១ម៉ឺនដុល្លារឯណោះ។

សិល្បករចូលរួមពិធីជប់លៀងរបស់នាយចឺង និងនាយក្ដី

ចំណុចដែលគួរឲ្យចាប់អារម្មណ៍នោះគឺ ពិធីជប់លៀងនេះមានចំរណ្ដាប់ជាលក្ខណៈសែនព្រេន ហើយបងប្អូនធម៌១គូនេះ បានស្លៀកសំលៀកបំពាក់ខ្មែរអមជាមួយឈុតខ្សែកដែលពោរពេញដោយវត្ថុសក្ដិសិទ្ធិយ៉ាងច្រើន។

ជុំវិញការរៀបចំបែបនេះ ឈុន សុវណ្ណភក្ដី បានបកស្រាយថា ដោយសារជាកម្មវិធីគម្រប់ខួបនៃការស្បថ ដូច្នេះហើយលោកបានរៀបរណ្ដាប់សែនព្រេនរួមមានក្បាលជ្រូក មាន់ស្ងោរ និងស្លៀកពាក់ឈុតខ្មែរតាំងពីក្បាលដល់ចុងជើង។ ខ្សែកម្នាក់១ខ្សែនេះត្រូវបានលោកទម្លាយឲ្យដឹងទៀតថា លោក និងនាយចឺមពាក់ជាការគោរពដល់ថ្ងៃស្បថស្បែសច្ចានោះ។

សម្រាប់តម្លៃវិញ អ្នកទាំង២បានឲ្យដឹងថា ១ខ្សែដែលនាយ ចឺម ពាក់គឺតម្លៃ២ពាន់ដុល្លារ ឯរបស់នាយក្ដី គឺជាង៥ពាន់ដុល្លារ។

ឆ្លៀតក្នុងពិធីជប់លៀងនេះ បងប្អូនធម៌ដែលកំពុងទទួលការចាប់អារម្មណ៍ពីមហាជននេះ បានបញ្ជាក់ថា ១ឆ្នាំកន្លងមកទំនងទំនងរបស់អ្នកទាំង២កាន់តែស្អិតល្មួតខ្លាំងតែមិនមែនស្នេហាទេ គឺបងប្អូន និងដៃគូជំនួញដ៏ល្អ១គូ៕

អត្ថបទ៖ សុខណា