មិត្តចាស់ Steve Jobs ប្រាប់ថា អស់ជំនឿលើមេ Tesla លោក Elon Musk មែនទែនហើយ

2018-02-01 02:38:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថិតក្នុងចំណោមស្ថាបនិកមួយរូបដែលជួយបង្កើតក្រុមហ៊ុន Apple លោក Steve Wozniak កន្លងទៅបានចេញប្រកាសជាសាធារណៈថាខ្លួនអស់ជំនឿនូវរាល់ពាក្យសម្តីរបស់ក្រុមហ៊ុន Tesla និងលោក Elon Musk តទៅទៀតហើយ។

រូបតំណាង Steve Wozniak

ការលើកឡើងនេះធ្វើឡើងកាលពីដើមសប្តាហ៍អំឡុងពេលលោក Woz ទៅចូលរួម **វេទិកាពាណិជ្ជកម្ម** ក្នុងទីក្រុង Stockholm ប្រទេសស៊ុយអែត។ ទាំងដែលកន្លងទៅអតីតមិត្ត Steve Jobs ម្នាក់នេះ ក៏ជាអ្នកគាំទ្រក្រុមហ៊ុន Tesla ដ៏ងប់ងុលម្នាក់ ហើយគាត់សប្បាយចិត្តបំផុតនៅពេលក្រុមហ៊ុនអាមេរិកមួយនេះ បញ្ចេញត្រកូលរថយន្តModel S។

រូបតំណាង Elon Musk

លោក Woz ពន្យល់ថា "Elon Musk ធ្លាប់និយាយកាលពីអតីតកាលថាយ៉ាងយូរត្រឹមចុងឆ្នាំ ២០១៦ រថយន្តនឹងមានបំពាក់នូវ Sensor ដែលអាចបើកបរដោយខ្លួនឯងជុំវិញប្រទេស ប៉ុន្តែគ្រប់យ៉ាងក្លាយទៅពាក្យបោកប្រាស់"។

លោកបន្ថែម "ម្ល៉ោាះមកទល់ពេលនេះខ្ញុំឈប់ជឿគ្រប់យ៉ាងដែល Musk ឬ Tesla និយាយ ប៉ុន្តែខ្ញុំនៅតែបន្តស្រលាញ់រថយន្ត គ្រាន់អ្វីជាបញ្ហាការបោកបញ្ឆោតច្រើនលើកច្រើនសារបានកើតឡើងកន្លងមក ជាហេតុធ្វើឲ្យមានការបាត់បង់ទំនុកទុកចិត្ត មួយវិញទៀតបើធៀបទៅនឹងលោក Jobs គាត់មិនទាន់ល្អដល់នៅឡើយ"។