បាតុភូតព្រះចន្ទ ៣ ប្រភេទយប់មិញ ខានកើតមាន ១៥០ ឆ្នាំមកហើយ

2018-02-01 03:17:53
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះកើតមានបាតុភូតមួយឈ្មោះថា Super Blood Blue Moon ដែលជាបាតុភូតកម្រមួយខានកើតមានឡើងរយៈពេលជាង ១៥០ ឆ្នាំមកហើយ។

Super Blood Blue Moon នេះកើតចេញឡើងពីបាតុភូត Blue Moon ជាព្រះចន្ទដែលរះលើសប្រចាំខែ ដែលកើតមានដំណាលគ្នាជាមួយនឹងបាតុភូត Super Moon ពេលដែលព្រះចន្ទភ្លឺជាងធម្មតា ១៤%។ មិនតែប៉ុណ្ណោះនៅមានបាតុភូតមួយទៀតដែលកើតឡើងដំណាលបាតុភូតទាំងពីរ គឺ Blood Moon ដែលជាបាតុភូតចន្ទគ្រាសធ្វើឲ្យព្រះចន្ទប្រែទៅពណ៌ក្រហមស្រឿងៗ។ បាតុភូតទាំង ៣ ខាងលើរួមបញ្ចូលគ្នាបង្កើតបានជាបាតុភូតឈ្មោះថា Super Blood Blue Moon។

ដំណើរចន្ទគ្រាស

បញ្ជាក់ថាបាតុភូត Blood Moon ដែលកើតចេញពីចន្ទគ្រាស កើតមានឡើងដោយសារតែព្រះអាទិត្យ, ភពផែនដី និងព្រះចន្ទស្ថិតនៅលើគន្លងតែមួយ។ ត្បិតថាស្រមោលរបស់ផែនដីត្រូវជះលើផ្ទៃព្រះចន្ទទាំងស្រុង ប៉ុន្តែមានពន្លឺព្រះអាទិត្យខ្លះចាំងដល់ព្រះចន្ទតាមរយៈបរិយាកាសនៃភពផែនដីដែលនាំឲ្យផែនដីបាត់បង់ពន្លឺពណ៌ខៀវ។ មូលហេតុនេះហើយទើបព្រះចន្ទមើលពីផែនដីទៅមានពណ៌ក្រហម៕

ចុចអាន៖

ប្រភព៖ Dailymail ប្រែសម្រួល៖ សុខហេង