ភាពយន្ត​ថ្មី​របស់ Disney រឿង “Big Hero 6” បាន​ក្លាយ​ជា​ភាពយន្ត​ជាប់​ចំណាត់​ថ្នាក់​លេខ ១​លើ​តារាង Box Office អាមេរិក ហើយ​រក​ចំណូល​បាន​ជាង ៥៦​ លាន​ដុល្លារ ក្នុង​រយៈ​ពេល ៣​ថ្ងៃ​ ។ ខ្សែភាពយន្ត​តុក្កតា 3D បាន​មក​ដល់​ប្រទេស​កម្ពុជា​ហើយ ដោយ​បាន​ចាប់​បញ្ចាំង​ឲ្យ​ទស្សនិកជន​ចូល​ទស្សនា​ជា​សាធារណៈ​នៅ​រោង​កុន Platinum Cineplex ចាប់​ពី​​ស្អែក​នេះ​ទៅ។

រឿង “Big Hero 6” ជា​រឿង​មួយ​ដែល​និយាយ​ពី​ក្មេង​ពោរ​ពេញ​ទៅ​ដោយ​ទេពកោសល្យ​ និង ភាព​ច្នៃ​ប្រឌិត​ Hiro Hamada ជា​អ្នក​ឯក​ទេស​ ផ្នែក​ផលិត​គ្រឿង​យន្ត​ដ៏​ទំនើប​ និង មិត្ត​សម្លាញ់​របស់​គាត់ Baymax ជាមួយ​នឹង Hiro ៤នាក់​ផ្សេង​ទៀត​ បាន​បំពេញ​បេសកកម្ម​កម្ចាត់​ជន​ទុច្ចរិត​ ដែល​បាន​លួច Microbots របស់​គេ​យក​ទៅ​ប្រើប្រាស់ និង គំរាម​កំហែង​ក្នុង​ទីក្រុងSan Fransokyo ។

គ្រប់​ឈុត​ឆាក​សំដែង​មាន​ការ​ប្រយុទ្ធ​គ្នា​លាយ​ឡំ​នឹង​ទស្សនីយភាព​បែប​កំប្លែង​ដែល​ធ្វើ​ឲ្យ​លោក​អ្នក​ទប់​សំណើច​ពុំ​បាន។ មនុស្សយន្ត Baymax ដែល​មាន​មាឌ​ប៉ោង​ដូច​ទីង​មោង​បាន​ដើរ​តួ​យ៉ាង​សំខាន់​ក្នុង​សាច់​រឿង​ក្នុង​ការ​រក​មធ្យោបាយ​បំផ្លាញ Microbots កុំ​ឲ្យ​មនុស្ស​អាក្រក់​គ្រប់គ្រង​ពួក​វា​ក្នុង​ផ្លូវ​ខុស​ត​ទៅ​ទៀត។ ភាពយន្ត​នេះ​ជា​ការ​ដឹកនាំ​រួម​គ្នា​ដោយ Don Hall និង Chris Williams។

នៅ​ក្នុង​បើក​សម្ពោធន៍​កាល​ពី​ល្ងាចមិញ​នេះ អតិជន​ដែល​មក​អញ្ជើញ​មក​ចូល​ទស្សនា សុទ្ធសឹងតែ​ជា​ដៃ​គូរ​ពាណិជ្ជកម្ម និង Fans ដែល​បាន​​ឈ្នះ​ក្នុង​កម្មវិធី Facebook របស់ Platinum Cineplex និង អតិថិជន​របស់​កុំព្យូទ័រ​Dell។

https://www.youtube.com/watch?v=qHHfQ_8DGNw#t=126

អត្ថបទ៖ លី ហេង