ឆ្នាំនេះ មាស ចាន់ណា មានទំនុកចិត្តជាងឆ្នាំមុនក្នុងការប្រជែងយកពាន

2018-02-02 02:46:31
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក មាស ចាន់ណា គ្រូបង្វឹកក្រុមណាហ្គាវើលបានបង្ហាញពីចំណាប់អារម្មណ៍ថា មានទំនុកចិត្តក្នុងការដឹកនាំក្រុមកាន់តែខ្លាំងជាងឆ្នាំមុន ក្នុងការប្រកួតលីគកំពូលកម្ពុជា និង Hun Sen Cup រដូវកាលថ្មីនេះ។

លោក មាស ចាន់ណា (ទទួលពានគ្រូមានប្រជាប្រិយភាព)

គ្រូបង្វឹកម្រិត A-Licence រូបនេះបានឲ្យដឹងថា មានទំនុកចិត្តក្នុងការដឹកនាំក្រុមជាងឆ្នាំមុន ដោយសារឆ្នាំនេះថ្នាក់ដឹកនាំរបស់ក្លឹបមានការយកចិត្តទុកដាក់ខ្លាំងជាងឆ្នាំមុនៗ ក្នុងការអភិវឌ្ឍក្រុម។ មានចំណុចពិសេសជាច្រើន ដែលទទួលបានពីថ្នាក់ដឹកនាំរបស់ក្លឹប ប៉ុន្តែពេលនេះលោកមិនទាន់ហ៊ានបង្ហើបនៅឡើយ។

យ៉ាងណាឆ្នាំនេះជាឆ្នាំដែលលោកសប្បាយចិត្តបំផុត ក្នុងការដឹកនាំក្រុម ហើយក៏ជាឆ្នាំដែលណាហ្គាកំណត់គោលដៅខ្ពស់ ប្រសិនបើអាច នឹងយកពានលីគ។ សម្រាប់រដូវកាលមុន ណាហ្គាវើល ទទួលបានត្រឹមជើងឯករងនៃពាន Hun Sen Cup ស្របពេលលីគកំពូលទទួលបានចំណាត់ថ្នាក់លេខ ៤៕

អត្ថបទ៖ ស្រី សុវណ្ណដារ៉ា